Muntu wa mvwama na Lazare, mu tinzonzi tia tâ Yezu babazonzelaka. (Like 16:19-31) Babakala bô ba bole, bikunku biole bia bantu bamonekesaka: (1) mfumu za mabundu za Bayuda mu ntangu ya Yezu, mpe (2) bantu ba kuluka mpe bê na bunsungu batambula nsangu za Yezu.

Mu timoko ti

•  Ngano Yezu bwe kata mu muntu wa mvwama na Lazare?

•  Ngano tinsamu tio tia matieleka tiena?

•  Ngano tinsamu tio ndongosolo ya benga dia tiya tisingasaka?

•  Ngano tinsamu tia muntu wa mvwama na Lazare bwe tita zolo tâ?

 Mu Like tikapu 16, Yezu babakala bole kata zonzela, beri na luzingu lwayizi soba mu mbala mosi.

 Mu bukufi, tinsamu tia Yezu titêle: Muntu wabâ na nkatika bimvwama. Muntu wa mputu, weri nkumbu Lazare beri kwizi turisaka ha mwelo’andi; tivuvu tiabâ nandi ti mbo baketi mu hana bidia bieri sârilaka. Ha manima, Lazare tokolo fwa mpe ni bakala dia mvwama. Mu tinsamu tio, ha manima ma lufwa lwawu, misamu mia kwa batiri zaba. Mbazi zineti Lazare kwe Abrahame. Kâ muntu wa mvwama ku matimuna kena mu tiya twa ngolo, mpe lombele kwe Abrahame katambika Lazare mu kwizi mu tûla tela dia mamba ha ludimi ngatu kamona bubote. Abrahame kariri; mu têlele ti misamu misobele bwawu bu mpe benga dia dinene dita kaba muntu wa mvwama na Lazare.

 Kâni. Tifwani kwa tiena tia sarila Yezu mu hana malongi. Bantu balongokaka misamu mia Bibila mbo batambulaka ti tinsamu tio tifwani kwa tiena. Mu tifwani, note ya La Bible de Jérusalem yi singase ti “tinsamu tiena ntiana tifwani tizonzelaka bantu balembolo ba matieleka.”

 Ngano Yezu wasarila tifwani tio mu longesa ti ha manima ma lufwa muntu zinga kwa wuzingaka? Ngano wazolo tâ ti bantu bakaka mpasi bamonaka ku benga dia tiya, mpe bantu ba babote ntiana Abrahame na Lazare ku zulu bena? Misamu miamingi mita songela ti ka wena buna ko.

 Mu tifwani:

•   Tala ti muntu wa mvwama ku nkatika tiya beri mukwamisaka, buna tela dia mamba diabâ mu mulembo wa Lazare mbo diaketi kulu yuma?

•   Tala ti tela dia mamba ka diayuma ko, bwe diaketi sa bubote kwe muntu we ku nkatika tiya?

•   Bu kabâ ha mutoto, Yezu watâ ti muntu kâni wanaka ku zulu. Buna Abrahame ka bâ ku zulu ko—Za 3:13.

 Kâni. Ni bu sa ti ka tiabâ tinsamu tia matieleka ko, bantu bakaka batâ ti mbo tisingasaka ti bantu ba mbote ku zulu bakwendaka mpe ba mbi ku benga dia tiya. a

 Ngano mabanza mo ma matieleka mena? Kâni.

 Ndongosolo ya benga dia tiya ka yita delakana ko na misamu mitâka Bibila mu mio mi yôkaka ha manima ma lufwa. Mu tifwani, ka ditâka ko ti bantu babansoni ba mbote nienze bakwe monaka ku zulu, peleko bantu ba mbi mpasi bamonaka ku benga dia tiya. Kâ Bibila ditomono tâ ti: “Bantu ba moyo bazebi ti mbo bafwa, kâ bantu ba fwa ka bazebi’â na kani musamu ko.”—Ekleziaste 9:5.

 Yezu wazolo tâ ti bikunku biole bia bantu baketi bwabana na misamu mia nzitukulu.

 Muntu wa mvwama wumonekese mfumu za mabundu za Bayuda mu bungu ti, “mbongo bazololo.” (Like 16:14) Mfumu zango ni ho zeri, Yezu bu katâ tinsamu tio, kâ bakala nsangu zandi, mpe bantu beri mwisaka mpasi.—Za 7:49.

 Lazare monekese bantu ba makanda, batambula nsangu za Yezu mpe ba beri mwisaka mpasi kwe mfumu za mabundu.

 Misamu miasoba mu bikunku bio bia biole mia nzitukulu mieri.

•   Mfumu za mabundu zeri banzaka ti Nzambi bawu keri tambulaka. Kâ bayizi fwa, mpila mosi Nzambi wabakala, bawu na nsambululu’awu mu bungu ti ka batambula nsangu za Yezu ko. Mpe nsangu zeri samunaka Yezu na milongoki miandi zayizi ba kwamisa.—Matie 23:29, 30; Bisalu 5:29-33.

•   Bantu ba makanda—ba beri kwamisaka kwe mfumu za mabundu, bayizi bâ na bweso. Babingi bayizi tambula ndongosolo ya Yezu, mpe musamu wo wayizi ba hana bweso bwa baka tusakumunu twa Nzambi twa ntangu zazansoni.—Za 17:3.