M’toto Yehova kwe bakento na babakala kahana wo. Ha m’toto tuvwiwulu. Ni mu ta ti, bakala diantete na m’kento’andi, Adame na Eve, ka kuzulu’ako babawayila​—Nzàmbi watisarila mbazi ngati zabaka ku zulu. (Yobe 38:4, 7) Kâ peleko Nzàmbi wabonga muntu wantete mpe wamutula ku kati dia paradi moshi ya toma yibatele nkumbu nsaba ya nsayi (Mbatukulu 2:15-17) Yandi na bala bakaketi buta Yehova wabahana tsivuvu tsia luzingu lwa nsayi mpe lwa mankululu ha zulu m’toto.​—Tanga Mikunga 37:29; 115:16.

Ku mbatukulu, nsaba ya nsayi kwa yaba paradi. bakala diantete na m’kento’andi ni bawu baketi butana mu fulusa m’toto. Hamanima mbo baketi yala m’toto wawansoni mpe baketi watsitula paradi. (Mbatukulu 1:28) Kani kabwe m’toto kawusà fwa ko. Hata dia bantu kwa dikwebe mvu bashiri mvu.​—Tanga Mikunga 104:5.

Tala video Mu bungu dia nti Nzambi kasala mutoto?

Adame na Eve bakolamana Nzàmbi, Yehova ni kaba kuma ku nsaba yango. Paradi yahombela, mpe kani muntu moshi kalenda’ako mu karisa yo. Ntsiana butele Bibila: “M’toto wateko kwe muntu wa mbi.”​—Job 9:24.​—Tanga Mbatukulu 3:23, 24.

Ngana Yehova wayambula mikawayila bantu kumbatukulu e? Kani! Yandi wena munkwa-ngolo-zazansoni. Kalembanaka musamu ko. (Izaya 45:18) Mbokasa kantso bufwanakane mu karisa bantu buna bukabawayila.​—Tanga Mikunga 37:11, 34.

Ntangu Yezu yikayala m’toto ntsiana mfumu yibiekele Nzàmbi, ni buna Paradi yikala ha zulu m’toto. Mu muzingu wubataka  nkumbu Harmagedone, Yezu mbo katwarisa mbazi za Nzàmbi mu wonda bantu babansoni balombo tumamanaka Nzàmbi. Hamanima, Yezu mbo katula Satana mu boloko dia mvula 1 000. Kanda dia Nzàmbi mbo divûka mu muzingu wango bungu ti Yezu mbo kabatwarisa mpe kabakeba. Mbo babaka luzingu lwa ntangu zazansoni ku paradi ha m’toto.​—Tanga Nzabukusu 20:1-3; 21:3, 4.

Ntsia ntangu Nzàmbi katula nsuka mu mbi ha zulu m’toto e? Yezu wa hana tsidimbu tsisongela ti nsuka yifinamane. Mbi yitasalama mu nza luzingu lwa bantu yitasa mu mpashi, mpe ebu yitasongela ti tweka mu ntangu zamansukina.​—Tanga Matie 24:3, 7-14, 21, 22.

Mu ntangu Yezu yikatuma m’toto tuka ku zulu mu funda (1 000) dia m’vula, mbo katula nsuka mu mpashi zazansoni. (Izaya 9:6, 7; 11:9) Katula mfumu yikaba, Yezu mbo kasala salu tsia Nganga Nzàmbi ya yinene mpe mbo kakatula masumu ma bô bazololo Nzàmbi. Buna mu ndila ya yandi, Nzàmbi mbo kakatula bubelo, bununu na lufwa.​—Tanga Izaya 25:8; 33:24.

Bantu bô batumamanaka Nzàmbi ni bawu ba bá ku Paradi. (1 Za 2:17) Yezu watambika milongoki miandi batomba bantu bakuluka mpe babalongisa kabwe bafweti sa ngati Nzàmbi kabayangalala. Lumbuti, Yehova zimiliyo za bantu katahana formasio ngâti bazinga ku paradi yiba ha zulu m’toto. (Sofoni 2:3) Ku Nzo za Kimfumu za Mbangi za Yehova, bantu balongisaka mu ba balumi bambote mpe batata bambote, mpe mu ba bakaji bambote mpe bamama bambote. Bala na bibuti biawu hatsimoshi basambirilaka mpe balongokilaka kabwe nsangu za mbote zilenda basarishila.​—Tanga Mika 4:1-4.