António Guterres, mfumu ya Nations Unis, watêle: “Ntangu yifweni ya lembeka misamu. Yi ni ntangu ya tiyimina.” Diambu dio didelakane na bingundu biakuburiri nsi ya Iran ku Israël mu tilumbu tia 13 avril 2024.

 Mizingu mia ku Moyen-Orient mimonekese misamu mi tuta bwabana na mio mu nza.

 “Lutangu lwa mizingu mia mu nza bwawu bu luyôkele lwa mivu miamiansoni tûka Muzingu wa nzole wa nza. Miliare zole za bantu mu nza bata mona mpasi mu bungu dia mizingu.”—Conseil de sécurité des Nations Unis, 26 janvier 2023.

 Bizunga bita bwila mizingu mia ngolo bwawu bu ni Israël, Gaza, Syrie, Azerbaïdjan, Ukraine, Soudan, Éthiopie, Niger, Myanmar na Haiti. a

 Ntia ntangu mizingu mimanisa? Ngano mfumu za mu nza zilendi nata tidzunu? Bibila bwe ditâka?

 Mizingu mia mu nza misongele ti nsuka ya mizingu miamiansoni ka yisiri’â mala ko. Mizingu mio mbikululu ya Bibila mu bungu dia ntangu ya beto milungisaka. Bibila ditâka ti ntangu yo ni “nsuka ya nza.”—Matie 24:3.

•   “Mbo baluzonzela mizingu na nsangu za mizingu. [. . .] Makanda mbo manwana, mpe bimfumu mbo binwana.”—Matie 24:6, 7.

 Tanga mutu-diambu wa “Ngano tidimbu tia ‘bilumbu bia mansukina,’ peleko ‘ntangu za mansukina’ ni nti” mu mona bwe mizingu mia lumbu ti mita lungisila mbikululu.

 Bibila diabikula nsuka ya mizingu mia bantu. Ngano nti bitûla? Ka mu ngolo za bantu’â ko, kâ mu nzila ya muzingu wa Armagedo, “muzingu wa tilumbu tia tinene tia Nzambi Nkwa Ngolo Zazansoni.” (Nzabukusu 16:14, 16) Muzingu wo mbo wazibula nzila kwe Nzambi mu lungisa kani diandi dia tidzunu tia mankululu mu bungu dia bantu.—Mikunga 37:10, 11, 29.

 Mu longoka misamu mitariri muzingu wa Nzambi wumanisa mizingu miamiansoni, tanga mutu-diambu wa “Ngano muzingu wa Armagedo ni nti?”