Ve, Mbangi za Yave ke bevananga lukau lwa tini kia kumi ko; e salu kieto mu tukau twamvevo kisadilwanga, awana bevananga tukau twatu ke bazayakene mu nkumbu ko. Nki i lukau lwa tini kia kumi? Ekuma Mbangi za Yave ke bevaninanga lukau lwa tini kia kumi ko?

 O nkanikinu wavana tini kia kumi, yovo kunku kia kumi kia mavua ma muntu, dimosi muna Nsiku wavewa kwa wan’a Isaele kuna nz’ankulu. Kansi Nkand’a Nzambi utoma kiesesanga vo o Nsiku wau kumosi ye “nkanikinu a vakulwisa e tini kiekumi” ke wavewa kwa Akristu ko.—Ayibere 7:5, 18; Kolosai 2:13, 14.

 Vana fulu kia vana tini kia kumi ye tukau, Mbangi za Yave betangininanga Akristu a tandu kiantete muna yikama e salu kia umbangi muna mpila zole: bekuyivananga muna salu kia umbangi lembi vava mfutu yo vana tukau kuna mvevo.

 Tulandanga luludiku lwa Nkand’a Nzambi kuna kwa Akristu: “Yambula konso muntu kavanga una kakanini muna ntim’andi; ke ku ntantu ko, ngatu ku nkomena: kadi Nzambi ozolele mvani amvevo.”—2 Korinto 9:7.