Wantu ayingi beyindulanga vo e kuluzu i sinsu kia Akristu mu nza yawonso. Kana una vo yeto Mbangi za Yave tu Akristu, ke tusadilanga kuluzu ko muna sambila Nzambi. Ekuma?

 E kuma kadi, e Bibila kivovanga vo Yesu kafwila vana kuluzu ko, kansi vana nti kafwila. Vana ntandu, e Bibila kikanikinanga Akristu ‘batina nsambila za teke.’ Ediadi disongele vo e kuluzu mpe ke difwete sadilwanga ko muna sambila Nzambi.—1 Korinto 10:14; 1 Yoane 5:21.

 E sinsu kisundidi o mfunu i kina Yesu kavova: “Muna wau i bezayila o wantu awonso vo nu alongoki ame—avo nzolani nuna yau.” (Yoane 13:34, 35) O zola i sinsu kayika o Yesu kizayilwa alandi andi akieleka, kansi ke kuluzu ko ngatu teke kiankaka.