Mvangi eto wasikidisa nsiku mia longo vitila nkutu ayadi. O nkand’antete muna Nkand’a Nzambi ukutuvovesanga vo: “O yakala i keyambwil’o s’andi yo ngw’andi, katatidila nkaz’andi: bekala nitu mosi.” (Etuku 2:24) Dicionário Vine, disonganga vo, e mvovo wa Kiyibere wasekolwa vo “nkaz’andi” mu kuma kia Adami, nkento uyikanga. Yesu watoma dio kiesesa vo o longo i kintwadi ‘ki’eyakala yo nkento.’—Matai 19:4.

 Ozevo, Nzambi wasikidisa vo e kintwadi kia longo kifwete kala yakala yo nkento yo zinga yakwele mvu. E yakala yo nkento bavangwa y’ekani dia salaziananga yo yangidika muntu yo nkw’andi, tuka muna ngindu, muna vukana yo wuta wana.