Nkand’a Nzambi usonganga vo ke Nzambi ko wasema Nkadi ampemba. Kansi, muntu kasema i wakituka se Nkadi ampemba. Nkand’a Nzambi uvovanga mu kuma kia Nzambi vo: “Mavangu mandi malunga; kadi ngyenda zandi zawonso zansongi. O Nzambi nkwa ziku, yo kondw’o vilwa, wansongi kwandi yo singama.” (Nsiku 32:3-5) Muna mvovo miami, tulenda vova vo Nkadi Ampemba wa Satana muntu alunga ye nsongi kakala. Mosi muna mbasi za Nzambi.

 Muna Yoane 8:44 Yesu wavova vo Nkadi ampemba ‘kasikila ko muna ludi.’ Ediadi disonganga vo Satana mu ludi kakala yo kondwa vilwa.

 Kansi, nze vangwa yakaka yangangu ya Yave, e mbasi ndiona wakituka Satana, wakala ye nswa wasola mu vanga edi diambote yovo edi diambi. Wau kasola edi diambi diankitula nze ntantu a Nzambi yo vukumuna yakala yo nkento antete. Mbasi ndioyu wayikitula se Satana, i sia vo, “Ntantu.”—Etuku 3:1-5; Lusengomono 12:9.