Wantu mu nza yawonso benuananga ye kinsona yo kuyivambula ye akaka. Madotolo mayingi bekwikilanga vo o sadisa akaka i imosi muna mpila tulenda sundila kinsona.

•   “O sadisa akaka bena mu mpasi dilenda kututwasila kiese muna zingu yo sunda kinsona.”—Buka Kitalanga oma ma Vimpi kuna Estados Unidos.

 Bibila kivananga tuludilu twambote tusonganga dina tulenda vanga muna sadisa akaka. O sadila tuludiku twatu dilenda kutusadisa mu sunda kinsona.

 Kayilanga akaka. Vaulanga e ntangwa ya kala vamosi ye akaka. Kala ye fu kia kayila akaka ina una yau. Avo ovangidi wo, oyau betoma kuyangalela yo siamisa kikundi kieno.

•   Nkanikinu a Bibila: “Nukayanga, ozevo o wantu bekunukayila.”—Luka 6:38.

 Sadila e ngolo zaku muna sadisa akaka. Vava e mpila olenda sadisila awana bena mu mpasi. Olenda wo vanga muna kubawinikinanga vava bevovanga yovo kubasadisa mu salu yankaka muna kubavevola.

•   Nkanikinu a Bibila: “Nkundi akieleka ozolanga e ntangwa zawonso.”—Ngana 17:17.

 Muna zaya diaka mayingi mu mpila olenda kadila ye ngwizani ambote ye akaka, tanga e longi “Vida familiar e amazades.”