E mfumu za nza ye yimvuka ya nz’amvimba ke belendanga twasa luvuvamu ko. O unu, e vita zibukumunanga ndong’a wantu zisundidi konso vita yanuanua kala tuka muna kolo kia Vita ya Nzole ya Nz’amvimba. Tezo kia bilhões zole za wantu vana vena nkangu a nza yawonso mu zunga ya vita bezingilanga.

 Ekuma wantu ke belendelanga twasa luvuvamu ko. E Bibila adieyi kivovanga?

1.  1. Wantu besonganga e fu ikubakakidilanga mu sikidisa luvuvamu. E Bibila kivovanga vo mu lumbu yeto, “wantu bekala akwa kuyizola, minzol’a nzimbu, akwa lusanu, akwa lulendo, . . . minkondwa kwikizi, . . . minkondwa ngwizani, . . . minkondwa volo, akwa nganzi, . . . akwa mpaka, bazola kuyitundidika.”—2 Timoteo 3:2-4.

2.  2. Kondwa kwa lusadisu lwa Yave a wa Nzambi, wa Mvangi, wantu awonso ke balendi kala ye lendo ko kia singika mambu. E Bibila kitoma kiesesanga vo: “O muntu kalendi singika e ntambi zandi ko.”—Yeremiya 10:23.

3.  3. E nza mu wisa kia nyadi ambi ina, i sia vo, mu wisa Nkadi ampemba wa Satana. Yandi “ovukumunanga nza yawonso.” (Lusengomono 12:9) Ekolo “e nza yawonso ina muna wisa kia ndiona wambi,” e vita ye ntantani kala kaka zikala.—1 Yoane 5:19.

 E Bibila kikutuzayisanga vo o luvuvamu ke lukwizila mu ngolo za wantu ko, mu ngolo za Nzambi kaka.

•   “Kadi nzeye ngindu zame mu kuma kieno,’ u kavovele o Yave, ‘ngindu za luvuvamu ke ngindu zambi ko, nzolele kunuvana e vuvu ye zingu kiasikila kuna sentu.’”—Yeremiya 29:11.

 O Nzambi aweyi kelungisila o nsiku wau? “Nzambi ona ovananga luvuvamu okosomona Satana.” (Roma 16:20) O Nzambi luyalu lwa zulu kesadila. E Bibila kisonganga vo “Kintinu kia Nzambi” kisikidisa luvuvamu mu nza yawonso. (Luka 4:43) Muna lutumu lwa Yesu Kristu wa Ntinu a Kintinu kiaki, o wantu belongoka una bezingila mu luvuvamu.—Yesaya 9:6, 7.

•   Muna zaya diaka mayingi, tanga e longi“O que o Reino de Deus realizará?”