Yesaya 43:1-28
43 Owau, i wau wuwu kavovele o Yave,Wa Nsemi aku, e Yakobo, Ona wavanga, e Isaele:+
“Kumoni wonga ko, kadi mono ikûdidi.+
Ibokele muna nkumbu aku.
Ongeye kwa mono ovuilu.
2 Vava oviokela muna maza, ikala yaku,+Vava osauka e nkoko, ke mikulânga ko.+
Vava odiatila vana tiya, kuvia ko,Ngatu nlaku a tiya wayoka.
3 Kadi mono i Yave wa Nzambi aku,O Mvauki a Isaele, wa Mvuluzi aku.
Mpene Engipito se lukûlu mu kuma kiaku,Mpene Etiopia ye Seba vana fulu kiaku.
4 Kadi okitukidi se wantalu ova meso mame,+Ongeye ozitisu, omono izolele.+
Muna kuma kiaki ivana nkangu vana fulu kiakuYe zula vana fulu kia moyo aku.
5 Kumoni wonga ko, kadi ngina yaku.+
Itwasa e mbongo aku tuka kuna esteYo kukutakesa tuka kuna weste.+
6 Ivovesa node vo: ‘Ubavutula!’+
Ivovesa sude vo: ‘Kubasimbinina ko.
Twasa o wan’ame amakala tuka kuna kwandá, yo wan’ame amakento tuka kuna nsuka za nza,+
7 Konso ona oyikilwanga muna nkumbu ame+Ndiona nsemene mu kuma kia nkembo ame,Ndiona mpangidi yo sema.’+
8 Vaikisa o nkangu. Bena yo meso kansi ampofo,Bena yo matu kansi afwa matu.+
9 Yambula e zula yawonso yakutakana fulu kimosi,Yambula nkangu miakutakeswa.+
Nani vana bena olenda dio samuna?
Nga balenda kutuzayisa mambu mantete mevangama e?*+
Yambula batwasa e mbangi zau kimana basonga e ndungidi au,Yambula bawá yo vova vo: ‘Dialudi kikilu!’”+
10 “Oyeno nu mbangi zame,”+ u kavovele o Yave,“Elo, selo kiame ona nsolele,+Kimana nuazaya yo kwikila* omu monoYe nuabakula vo kisobanga ko.+
Vitila mono, ke vakala kana Nzambi mosi ko,Kuna nim’ame, ke vasemwa kana mosi ko.+
11 Omono, mono i Yave,+ kavena mvuluzi ankaka ko, mono kaka.”+
12 “Mono yasamuna yo vuluza yo zayisaVava ke vakala kana nzambi mosi a nzenza ko vovo nuina.+
Ozevo, yeno i mbangi zame,” u kavovele o Yave, “omono i Nzambi.+
13 Omono kisobanga ko;+Ke vena muntu ko olenda kutumuna konso lekwa ova koko kwame.+
Avo mvangidi diambu, nani olenda dio kakidila e?”+
14 I wau wuwu kavovele o Yave, wa Nkûdi eno,+ wa Mvauki a Isaele:+
“Muna kuma kieno, ikubatuma kuna Babele yo bwisa e mbindi zawonso za mavitu,+Akaladi bekaza mu kuma kia mpasi muna nzaza zau.+
15 Mono i Yave, wa Mvauki eno,+ wa Nsemi a Isaele,+ wa Ntinu eno.”+
16 I wau wuwu kavovele o Yave,Ndiona oziulanga e nzila muna mbuYe yendelo muna maza mangolo,+
17 Ndiona ovaikisanga kalu dia vita yo mvalu,+E vu kumosi ye makesa mankuma:
“Oyau bebwa, ke betelama ko.+
Befukiswa, bezimwa nga nlaku a nsing’a mwinda.”
18 “Nuvilakana mambu mankulu,Ke nuyindula mana mavioka ko.
19 Tala! Se ivanga diambu diampa;+Kana nkutu owau, mu vangama se dina.
Nga ke nubakulanga wo ko e?
Iteta e nzila muna nzanza+Yo sia e nkoko muna makanga.+
20 E bulu ya mfuta ikunzitisa,E mbulu ye seteleke,Kadi mpene o maza muna nzanza,Ye nkoko muna makanga,+Kimana yanuika o nkangu ame una yasola,+
21 O nkangu una yasema mu kuma kiame,Kimana wasamuna o nkembo ame.+
22 Kansi kumbokele ko, e Yakobo,+Kadi ongeye unsulukidi, e Isaele.+
23 Kuntwasidi mameme ko ma tukau twaku twangiokaNgatu kunkembelela muna yimenga yaku.
Kikomekene ko wantwasila lukau,Ngatu kuyoyesa muna kulomba e ndumbu a nti a lebona.+
24 Kunsumbidi kane* ko muna nzimbu zaku,Kungiukutisi ko yo mazi ma yimenga yaku.+
Kansi, undatisi e zitu dia masumu makuYo kungioyesa mu kuma kia bi waku.+
25 Omono, omono i Ndiona ovunzunanga makuzuka maku*+ mu kuma kia nkumbu ame,+Kisungamena diaka masumu maku ko.+
26 Yambula twafundaziana. Unsungamesa;Songa e ziku vo ndungidi una yau.
27 O se diaku diantete wasumuka,Anati aku a nsangu* bankolamene.+
28 Muna kuma kiaki, isafula akuluntu a fulu kiavauka,Ivana Yakobo kimana kafwaswaYo sakidika Isaele muna mvovo mia luvezo.+
Mvovo vana yand'a lukaya
^ Nanga mambu mantete mevangama kuna ntwala uyikanga.
^ Yovo “bunda e vuvu.”
^ Tutu diansunga.
^ Yovo “mavangu maku ma ukolami.”
^ Nanga alongi a Nsiku uyikanga.
