Mika 5:1-15
5 “Owau ngeye mu kuyilweka una,E mwan’ankento onuaniswanga;Oyeto tuzungilu.+
Bawende mfundisi a Isaele o nkau vana bundi.+
2 Ongeye, Beteleme Eferata,+Una vo olutidi okeva muna mafunda* ma Yuda,
Muna ngeye mukumpaikila ndiona oyala muna Isaele,+E tuku diandi dia nz’ankulu, dia lumbu yankulu.
3 Ozevo, okubabembolaYamuna ntangwa ina o nkento wina yo lukau kewuta.
E nsadisw’a mpangi zandi bevutuka kuna kwa nkangu a Isaele.
4 Otelama, kavungulwila e kambi muna nkum’a Yave,+Muna nene wa nkumbu a Yave wa Nzambi andi.
Bezingila muna luvuvamu,+Kadi o nene wandi ulwaka yakuna nsuk’a nza.+
5 Otwasa luvuvamu.+
Avo Nsuri okotele mu nsi eto yo diatakesa nzo zeto zangolo,+Tutelamesa avungudi nsambwadi, elo, akuluntu* nana a nkangu.
6 Bevungula e nsi ya Asuri muna nsosolo,+Ye nsi a Nimerode+ muna nkotelo zandi.
Okutuvuluza vana moko ma Nsuri,+Vava kekota muna nsi eto yo diatakesa e zunga kieto.
7 Ana basala muna Yakobo bekala vana kati kwa nkangu miayingiNze lowa ditukidi kwa Yave,Nze mvula zayingi vana titiKe zina mu wisa kia muntu koNgatu vingila muna wan’a wantu.
8 Awana basala muna Yakobo bekala vana vena zula,Vana kati kwa nkangu miayingi,Nze nkosi vana vena e bulu ya mfinda,Nze mwan’a nkosi* muna makambi ma mameme,Ovioka, obaka yo tiazuna;Ke vena ona okubavuluza ko.
9 E koko kwaku kutelamena atantu aku,E mbeni zaku zawonso zifwaswa.”
10 “Muna lumbu kiakina,” u kavovele o Yave,“Ifwasa mvalu mieno vana kati kweno ye makalu meno ma vita.
11 Ifwasa mbanza za nsi enoYo bwisa mbanza zeno zawonso zangolo.
12 Isukisa mavangu meno ma kindoki nuvanganga,*Ke vekala diaka nganga za nkisi ko vovo nuina.+
13 Ifwasa teke yeno yavalwa ye malunzi vana kati kweno,Ke nufukamena diaka vangwa ya moko meno ko.+
14 Ivuza mavindi meno mavauka*+ ova kati kwenoYo fwasa emvimba e mbanza zeno.
15 Muna nsita ye makasi ilandila e kundaE zula ina yalembi kundemvokela.”
Mvovo vana yand'a lukaya
^ Yovo “makanda.”
^ Yovo “mfumu za.”
^ Yovo “mwan’a nkosi a mika miayingi muna nsingu.”
^ Mvovo wa sina: “kindoki ova moko meno.”
^ Tala Nsas’a Mvovo.
