Wantete wa Paulu Kuna kwa Timoteo 2:1-15
2 Dianu vo, vana fulu kiantete, inukasakese nuadodokelanga, yo samba, yo lombanga mu kuma kia wantu a mpila zawonso yo vutula matondo kwa Nzambi,
2 mu kuma kia atinu ye akwa wisa awonso,+ kimana twakala ye zingu kia vuvama ye ngemba yo vumina Nzambi muna mawonso yo zitu.+
3 Ediadi diambote yo tondakana vana ndose a Nzambi wa Mvuluzi eto,+
4 ona ozolele vo wantu a mpila zawonso bavuluzwa+ yo vua zayi wasikila wa ludi.
5 Kadi vena ye Nzambi mosi kaka,+ nkambami* mosi kaka+ vana vena Nzambi yo wantu,+ Kristu Yesu, yandi i muntu,+
6 ona wakivana se lukûlu lwafwana kwa wantu awonso*+—ediadi disilwa umbangi muna ntangwa yafwana.
7 Muna kuma kia umbangi wau+ yatumbikilwa se nteleki ye ntumwa+—ludi mpovele, kivunini ko—i nlongi a esi zula+ muna diambu dia lukwikilu ye ludi.
8 Dianu nzolele vo muna fulu yawonso akala basambanga, bazangulanga moko mavelela,+ ke ku makasi+ ye mpaka ko.+
9 Diau dimosi mpe, akento bafwete kuyiviengesela muna mvuatu miambote,* kuna zitu yo lulungalalu,* ke mu nkangilu a nsuki ko yovo wolo yovo pelola* ngatu mvuatu miantalu,+
10 kansi wauna ufwanukini kwa akento ana bevuminanga Nzambi,+ muna mavangu mambote.
11 O nkento yambula kakala e pi-i yo longoka kuna lusakalalu lwawonso.+
12 Kivene nswa ko kwa nkento kalonga ngatu kala ye wisa muna yakala, kansi kakala kaka e pi-i.+
13 Kadi Adami wateka vangwa, i bosi Eva.+
14 Adami kavunua ko, kansi nkento yandi wavunua+ yo kituka se nsumuki.
15 Kansi, otaninua muna wuta wana,+ avo okwamanene* muna lukwikilu yo zola yo velela kumosi ye lulungalalu.*+
Mvovo vana yand'a lukaya
^ Muna Kingerekia, mvovo wau uyikanga muntu owizanesanga buka yole.
^ Yovo “wantu a mpila zawonso.”
^ Yovo “mvuatu mia luzitu.”
^ Yovo “umbakuzi.”
^ I sia vo, tadi diantalu.
^ Mvovo wa sina: “bakwamanene.”
^ Yovo “umbakuzi.”
