Wan’aku balenda longoka zola Nzambi avo bena ye ziku vo Nzambi una ye okubazolanga. Muna zola Nzambi, o wana bafwete teka kunzaya. (1 Yoane 4:8) Muna bonga e nona, wana bafwete zaya e kuma Nzambi kavangila o muntu, e kuma keyambulwilanga e mpasi ye dina kevanga muna wete dia wantu.—Tanga Filipi 1:9.

Muna sadisa wan’aku bazola Nzambi, ngeye kibeni ofwete kubasonga vo Nzambi ozolanga. Avo bamwene vo Nzambi ozolanga, yau mpe belanda e mbandu aku.—Tanga Nsiku 6:5-7; Ngana 22:6.

E Diambu dia Nzambi divuidi nkuma. (Ayibere 4:12) Ozevo, sadisa wan’aku balongoka mambu masina ma Bibila. Muna simba e ntima mia wantu, Yesu wavanganga yuvu, wunikina yo sasila e sono. Muna simba ntima mia wana, ofwete tanginina e mpila ina Yesu kalongelanga.—Tanga Luka 24:15-19, 27, 32.

Vana ntandu, o tusansu twa Bibila tusonganga una Nzambi kakadila yo wantu tulenda sadisa wana bazaya Nzambi yo kunzola. E nkanda misasilanga e diambu diadi mina muna www.pr418.com/kwy.—Tanga 2 Timoteo 3:16.