Songanga o Zola
Diambu
E fu kia sia e mpambula ke kifokokanga nzaki ko. Nze una divavilanga ngolo ye ntangwa muna fokola mumvidi utwasanga e vuku, ntangwa ye ngolo mpe divavanga muna fokola e fu kia sia e mpambula. Adieyi olenda vanga muna katula e fu kia sia e mpambula muna ntim’aku?
Adieyi Bibila Kivovanga?
“Nuvuata o zola, kadi i kangwa kiazikuka kia kintwadi.”—KOLOSAI 3:14.
Aweyi disongele? O vanga mambu mambote kwa akaka, wantu diyikakesanga. Avo olutidi songa o zola kwa akaka, e fu kia sia e mpambula kikuluka muna ntim’aku. Avo una yo zola kwayingi muna wantu, o lumengo ke lukala ye fulu ko muna ntim’aku.
Dina Olenda Vanga
Yindula e mpila olenda songela o zola kwa wantu a kanda dina kuzolanga ko. Ke dina mfunu ko wavanga mambu mampwena. Vanga dimosi yovo mamole muna mambu malende:
Konso diambu diakete ovanga kuna zola, dikufila mu katula e fu kia sia e mpambula
Songa ngemba kwa wantu a kanda diadi, nze kubaziulwila e kielo yovo kubasisila e fulu kia vuanda muna makumbi.
Vava mokena yau kana una vo ke betoma vovanga nding’aku ko.
Kala yo luzindalalu avo bavangidi diambu dina kutomene bakula ko.
Avo bavovele diambu benuananga diau, songa vo wete diau otokanenanga.
Nanga Oyangalela Mpe Malongi Mama
SIKAMA!
Malongi Mekusadisa mu Kalanga mu Luvuvamu ye Akaka
Nkia fu ilenda kutusadisa mu kalanga mu luvuvamu ye akaka?
