29 AVRIL 2020
BANSANGU YA BABUALA NIONSO
Mbambukulu ya lufua ya Klisto ya 2020—Bafoto ya yinza ya mvimba
Atako beto kemonanaka ve na kinsuni, kasi beto kele kintuadi na bampangi na beto na yinza ya mvimba mpe beto kena kumonisa butondi na beto na Yehova mpe Yesu
Kilumbu ya 7 avril, ntangu muini vuandaka leka malembe malembe na kisika mosi mosi na yinza, bampangi na beto salaka Mbambukulu yina beto kesala zimbakana ve. Atako bantu kutakanaka ve kisika mosi samu na maladi yayi ya yimbi, kasi beto nionso beto vuandaka na nzengolo ya kuzitisa ntumu ya Yesu ti ‘beno tatamana kusala yau samu kubambukila munu.’ (Luka 22:19) Bampangi nionso—bayina kevuandaka kaka bau mosi na yinzo, bankuelani, mabuta na bana mpe bampangi na beto yina kele biboba—vuandaka kintuadi samu kumonisa butondi na Yehova mpe Muana na yandi Yesu Klisto.
Sepela kutala bafoto yayi kele awa na yinsi ya bampangi na beto na yinza ya mvimba kena kukubama samu na kulanda Mbambukulu ya lufua ya Yesu Klisto ya 2020.
Asie
Australie mpe Oceanie
