ပမၤလီၤမၢ်ကွံာ် တၢ်သးဟ့ ကသ့ဒ်လဲၣ်
၁ | တဘၣ် ကွၢ်ဒိၣ်ဆံးအါစှၤတၢ်တဂ့ၤ
လံာ်စီဆှံတဲဝဲလၢ–
“ကစၢ်ယွၤ တကွၢ်ဒိၣ်ဆံး အါစှၤတၢ်ဘၣ်. မ့မ့ၢ် ပှၤကိးကလုာ်ဒဲး [ပှၤကိးဂၤဒဲး] လၢအပျံၤအီၤ ဒီးမၤတၢ်လၢ အဘၣ်န့ၣ် အဝဲတူၢ်လိာ်ဝဲလီၤ.”—မၤတၢ် ၁၀:၃၄, ၃၅.
အဲၣ်ဒိးတဲဝဲ–
ယဟိဝၤယွၤ * တကွၢ်မဲာ် ကလုာ်ဒူၣ်, ပှၤဖံးညၣ်အလွဲၢ် မ့တမ့ၢ် တၢ်ဆဲးတၢ်လၤဘၣ်. ဘၣ်ဆၣ် တၢ်လၢအရ့ဒိၣ်လၢ ယဟိဝၤယွၤအဂီၢ်န့ၣ် မ့ၢ်ဝဲ တၢ်လၢအအိၣ်လၢပသးပူၤ. လံာ်စီဆှံတဲဝဲလၢ “ပှၤကညီကွၢ်ပှၤအမဲာ်, မ့မ့ၢ်ယွၤကွၢ်ပှၤအသးလီၤ.”—၁ ၡမူၤအ့လး ၁၆:၇.
လံာ်စီဆှံတဆၢအံၤ မၤစၢၤပှၤ ကသ့ဒ်လဲၣ်–
ပတသ့ၣ်ညါ တၢ်အိၣ်လၢ ပှၤသးပူၤဘၣ် သနာ်က့ ပမ့ၢ်အိၣ်ဒီး တၢ်ထံၣ်ဒ် ကစၢ်ယွၤအသိးန့ၣ် ပှၤတဂၤကဲ ပှၤဒ်လဲၣ်ဂ့ၤဒ်လဲၣ်ဂ့ၤ အရ့တဒိၣ်လၢပဂီၢ်ဘၣ် ဒီးပကကွၢ်လၢ ပှၤတဂၤဒီးတဂၤ အတၢ်ဂ့ၤတခီ. အဃိ ပတကွၢ်ဒိၣ်ဆံးအါစှၤ ပှၤကညီဘၣ်. နမ့ၢ်သ့ၣ်ညါလီၤနသးလၢ နအိၣ်ဒီးတၢ်ထံၣ်လၢ အတဂ့ၤဘၣ် လၢပှၤဂၤအဖီခိၣ် ခီဖျိလၢ အဝဲသ့ၣ် ကလုာ်ဒူၣ်န့ၣ် ဒ်သိးနတၢ်ထံၣ်လၢ အတဂ့ၤဘၣ်အံၤ ကလီၤမၢ်ကွံာ်ဝဲအဂီၢ် ဃ့တၢ်မၤစၢၤလၢ ကစၢ်ယွၤအအိၣ်. (စံးထီၣ်ပတြၢၤ ၁၃၉:၂၃, ၂၄) ဒ်သိးနသုတကွၢ်ဒိၣ်ဆံး အါစှၤတၢ်တဂ့ၤအဂီၢ် နမ့ၢ်ဃ့ယဟိဝၤယွၤလၢ ကမၤစၢၤနၤန့ၣ် နနာ်သ့သပှၢ်ကတၢၢ်လၢ အဝဲကဒိကနၣ် နတၢ်ထုကဖၣ် ဒီးအကမၤစၢၤနၤ.—၁ ပ့းတရူး ၃:၁၂.
^ လံာ်အဆၢ 6 ယဟိဝၤန့ၣ် မ့ၢ်ဝဲ ကစၢ်ယွၤအမံၤ.—စံးထီၣ်ပတြၢၤ ၈၃:၁၈.
