ပှၤအါဂၤ ဆိကမိၣ်ဝဲလၢ တၢ်ကွၢ်ဒိၣ်ဆံးအါစှၤလိာ်သးန့ၣ် အလီၤမၢ်ကွံာ်တန့ၢ်ဘၣ်.

•   ဘီမုၢ်စၢဖှိၣ်ကရၢ နဲၣ်ရွဲၣ်ခိၣ်ကျၢၢ် အဲၤထိနံၤယိၤ ကူထါရဲၤ တဲဝဲလၢ “တၢ်ကွၢ်ဒိၣ်ဆံးအါစှၤလိာ်သးအဃိ အမၤဘၣ်ဒိဝဲ တၢ်ကရၢကရိတဖၣ်, ပှၤတဖုဘၣ်တဖု အတၢ်ရ့လိာ်သး ဒီးအကဲထီၣ် တၢ်ကီတၢ်ခဲလၢ ပှၤမုၢ်ဆ့ၣ်မုၢ်ဂီၤဖိတဖၣ်အဂီၢ်. အဃိ တၢ်ကွၢ်ဒိၣ်ဆံးအါစှၤတၢ်န့ၣ် အမၤဘၣ်ဒိဝဲ ပှၤတဂၤဒီးတဂၤ အတၢ်ရ့လိာ်သး.”

 တၢ်ကွၢ်ဒိၣ်ဆံးအါစှၤလိာ်သး လီၤမၢ်ကွံာ်ဝဲ ကန့ၢ်ဒံးဧါ. ဘၣ်ဃးဒီး တၢ်ဂ့ၢ်အံၤန့ၣ် လံာ်စီဆှံတဲဝဲဒ်လဲၣ်

 ကစၢ်ယွၤထံၣ်ဝဲ ပှၤတကလုာ်ဘၣ်တကလုာ် ဒ်လဲၣ်န့ၣ် လံာ်စီဆှံတဲဘၣ်ပှၤ.

•   “[ကစၢ်ယွၤ] ဒုးအိၣ်ထီၣ် ပှၤဟီၣ်ခိၣ်ဖိ ကိးကလုာ်ဒဲးလၢ အအိၣ်ဝဲဆိးဝဲလၢ ဟီၣ်ခိၣ်ချၢ ခီဖျိလၢ ပိာ်ခွါတဂၤလီၤ.”​—⁠မၤတၢ် ၁၇:⁠၂၆.

•   “ကစၢ်ယွၤ တကွၢ်ဒိၣ်ဆံး အါစှၤတၢ်ဘၣ်. ကစၢ်ယွၤ တူၢ်လိာ်ဝဲ ပှၤကိးကလုာ်ဒဲးလၢ အပျံၤအီၤ ဒီးမၤတၢ်လၢ အဘၣ်လီၤ.”​—⁠မၤတၢ် ၁၀:​၃၄, ၃၅.

 လံာ်စီဆှံ ပာ်ဖျါထီၣ်ဝဲလၢ ပှၤဟီၣ်ခိၣ်ဖိခဲလၢာ်န့ၣ် အဒီဘူးဒီတံၢ်လိာ်သး ဒီးကစၢ်ယွၤ တူၢ်လိာ်ဝဲ ပှၤကိးကလုာ်ဒဲး.

 ကစၢ်ယွၤအဘီအမုၢ် လၢအမ့ၢ် တၢ်ပၢတၢ်ပြးလၢမူခိၣ်န့ၣ် ကမၤလီၤမၢ်ကွံာ် တၢ်ကွၢ်ဒိၣ်ဆံးအါစှၤလိာ်သး. တၢ်ပၢတၢ်ပြးတခါအံၤ ကသိၣ်လိဝဲ ပှၤဟီၣ်ခိၣ်ဖိတဖၣ်လၢ အဝဲသ့ၣ် တဂၤဘၣ်တဂၤန့ၣ် ကဘၣ်ရ့လိာ်အသး ဂ့ၤဂ့ၤဘၣ်ဘၣ်ဒ်လဲၣ်. ဒီးအဝဲသ့ၣ် မ့ၢ်အိၣ်ဒီး တၢ်ကွၢ်ဒိၣ်ဆံးအါစှၤတၢ်လၢ အသးပူၤန့ၣ် အဝဲသ့ၣ် ကဘၣ်မၤလီၤမၢ်ကွံာ်ဝဲဒ်လဲၣ်န့ၣ် အကသ့ၣ်ညါထီၣ်ဝဲ.

•   “ပှၤအိၣ်လၢ ကီၢ်ပူၤတဖၣ် ကမၤလိ တၢ်တီတၢ်လိၤလီၤ.”​—⁠ယၡါယၤ ၂၆:⁠၉.

•   “တၢ်တီတၢ်လိၤနီၢ်ကီၢ်န့ၣ် ကဒုးအိၣ်ထီၣ် တၢ်ဃူတၢ်ဖိး ဒီးတၢ်လၢအဟဲကဲထီၣ်သး ခီဖျိ တၢ်တီတၢ်လိၤနီၢ်ကီၢ်န့ၣ် မ့ၢ်ဝဲ တၢ်မုာ်တၢ်ခုၣ်ဒီး တၢ်ဘံၣ်တၢ်ဘၢလီၤ.”​—⁠ယၡါယၤ ၃၂:⁠၁၇.

 ဆၢကတီၢ်ခဲအံၤ ပှၤလၢအကကွဲၢ်တဖၣ်န့ၣ် ခီဖျိလၢ အမၤလိလံာ်စီဆှံအဃိ အသ့ၣ်ညါထီၣ်ဝဲလၢ အကဘၣ်ရ့ဒီးပှၤဂၤလၢ တၢ်ပာ်ကဲအပူၤဒ်လဲၣ်.

•   နမ့ၢ်အဲၣ်ဒိးသ့ၣ်ညါအါထီၣ်န့ၣ် ဖးကွၢ်တၢ်ဂ့ၢ်ခိၣ်တီလၢအမ့ၢ် “တၢ်ကွၢ်ဒိၣ်ဆံးအါစှၤလိာ်သး ကလီၤမၢ်ကွံာ်ဝဲဧါ” လၢ Awake! အပူၤ.

•   နမ့ၢ်အဲၣ်ဒိးသ့ၣ်ညါ ဘၣ်ဃးဒီး မိၢ်ပၢ်တဖၣ် ကဘၣ်တဲပၠး အဖိတဖၣ်လၢ တၢ်ကွၢ်ဒိၣ်ဆံးအါစှၤလိာ်သး အဂ့ၢ်ဒ်လဲၣ်န့ၣ် ဖးကွၢ် တၢ်ဂ့ၢ်ခိၣ်တီလၢအမ့ၢ် “တဲသကိးတၢ်ဒီးနဖိ ဘၣ်ဃးဒီး တၢ်ကွၢ်ဒိၣ်ဆံးအါစှၤလိာ်သးအဂ့ၢ်.”