ကီၢ်ရၢၡါ
တၢ်မၤအၢမၤနးတဖၣ်န့ၣ် ပတလိၣ်ပျံၤအီၤဘၣ်
ဖဲ ၂၀၁၉ တနံၣ်တဘျီတၢ်အိၣ်ဖှိၣ်ဖးဒိၣ်န့ၣ် ဒီပုၢ်ဝဲၢ်ခွါ မးခ် စဲဒဲၣ်စဲၣ်လၢအမ့ၢ်ပှၤပၢဆှၢတၢ်ကမံးတံာ်န့ၣ် ဟ့ၣ်လီၤဝဲတၢ်စံၣ်တဲၤတဲလီၤလၢ အခိၣ်တီမ့ၢ်ဝဲ “တလိၣ်လၢပကပျံၤတၢ်ဖုးတၢ်ဘၣ်.” လၢအတၢ်စံၣ်တဲၤတဲလီၤန့ၣ် ပာ်ဃုာ်ဝဲဒီး တၢ်ဂီၤမူဖုၣ်ကိာ်လၢ အဘၣ်ဃးဒီး ပဒီပုၢ်ဝဲၢ်မုၣ်ဒီး ပဒီပုၢ်ဝဲၢ်ခွါ အတၢ်လဲၤခီဖျိလၢ အအိၣ်လၢ ကီၢ်ရၢၡါ လၢအဘၣ်တၢ်မၤအၢမၤနးအီၤသ့ၣ်တဖၣ်.
တၢ်သံကွၢ်စံးဆၢ ဒီး ဒီပုၢ်ဝဲၢ် ဒမံၤထြံၤ မံၤခ့လီး
ဒီပုၢ်ဝဲၢ် မံၤခ့လီးန့ၣ် ပှၤဖီၣ်အီၤဖဲ လါမ့ၤ ၂၉, ၂၀၁၈ လီၤ. အဝဲဘၣ်အိၣ်လၢဃိာ်ပူၤ တဘျုးလါညါ. ဖဲ တၢ်သံကွၢ်စံးဆၢ အဆၢကတီၢ် အဝဲပာ်ဖျါထီၣ်ဝဲလၢ ယဟိဝၤယွၤ ဒီးအမါလၢအိၣ်ဒီးတၢ်သးတီန့ၣ် ဆီၣ်ထွဲမၤစၢၤအီၤလၢ ကဆဲးအိၣ်ဒီး တၢ်တူၢ်န့ၢ်ခီၣ်ကဲအဂီၢ်လီၤ. အဝဲတဲစ့ၢ်ကီးဝဲလၢ ဖဲအတဲပၠး ပှၤဂၤလံာ်စီဆှံ တၢ်မ့ၢ်တၢ်တီအခါ မၤစၢၤအီၤလၢ ကပာ်အသးမုာ်မုာ်ခုၣ်ခုၣ် ဒီးကဆဲးအိၣ်ဒီး တၢ်သးခုလီၤ.