Fɔ Ɛp Ɔda Pipul dɛn Go Mek Yu Nɔ Fil se Na Yu Wangren De—Wetin di Baybul Se?
Pipul dɛn ɔlsay na di wɔl fil se na dɛn wangren de ɛn ɔda pipul dɛn nɔ go ebul bi dɛn padi. Sɔm masta sabi pipul dɛn pan wɛlbɔdi biznɛs biliv se we yu ɛp ɔda pipul dɛn, dat kin mek yu nɔ fil da we de.
“We wi ɛp pɔsin we rili nid ɛp, dat kin mek wi fil se wi layf gɛt minin ɛn nɔ fil se na wi wangren de.”—U.S. National Institutes of Health.
Di Baybul kin gi wi bɛtɛ advays bɔt wetin wi kin du fɔ ɛp ɔda pipul dɛn. We wi du wetin i se, i kin ɛp wi fɔ lɛf fɔ fil se na wi wangren de.
Wetin yu ebul du
Gɛt fri-an. Fɛn we dɛn fɔ de wit ɔda pipul dɛn, bay we una kin mit, tɔk, ɛn rɛdi fɔ sheb wetin yu gɛt. We yu du so, i kin bi se dɛn go fil fayn ɛn una padi biznɛs go go bifo.
Baybul prinsipul: “Una go de gi, ɛn pipul dɛn go gi una.”—Lyuk 6:38.
Yagba fɔ ɔda pipul dɛn. Fɛn we dɛn fɔ ɛp pipul dɛn we tin nɔ izi fɔ. Dat min se yu go lisin to dɛn wit sɔri-at ɔ du sɔntin fɔ dɛn fɔ mek dɛn layf izi mɔ.
Baybul prinsipul: “Padi kin de fɔ ɛp we ɛnitin apin.”—Prɔvabs 17:17, Contemporary English Version.
Fɔ no mɔ bɔt aw fɔ kɔntinyu fɔ gɛt tayt padi biznɛs wit ɔda pipul dɛn, rid di atikul we gɛt di taytul “Family Life and Friendships.”
