“Gɔd . . . go mek dɛn nɔ kray igen; dɛn nɔ go day igen; ebi at ɛn waala nɔ go de igen; nɔbɔdi nɔ go kray igen, bikɔs dɛn tin we bin de fɔs nɔ go de igen.”​—Rɛvɛleshɔn 21:3, 4, Gud Nyus Fɔ Ɔlman.

Yu nɔ go wok fɔ natin, ɛn yu go gladi fɔ wok.—Ayzaya 65:21-23.

Yu nɔ go sik ɔ sɔfa igen.—Ayzaya 25:8; 33:24.

Yu go gladi ɛn gɛt layf sote go wit yu fambul ɛn padi dɛn.—Sam 37:11, 29.

Tu rizin dɛn de we mek wi fɔ biliv am:

• Gɔd go ebul fɔ du ɛnitin we i prɔmis fɔ du. Di Baybul se na Jiova Gɔd wangren “gɛt pawa pas ɔl,” bikɔs in pawa nɔ de dɔn. (Rɛvɛleshɔn 15:3) Dat sho wi klia wan se i rili ebul fɔ du wetin i prɔmis. I prɔmis se i go mek di wɔl fayn fɔ wi. Di Baybul se, “Gɔd ebul du ɔltin.”—Matyu 19:26.

• Gɔd rili want fɔ du wetin i dɔn prɔmis. Fɔ ɛgzampul, Jiova “rili want” fɔ mek pipul dɛn gɛt layf bak.—Job 14:14, 15, New World Translation.

  Di Baybul sho wi bak se Gɔd in Pikin we na Jizɔs, bin mɛn di wan dɛn we sik. Wetin mek i du dat? Na bikɔs i bin want fɔ du am. (Mak 1:40, 41) Jɔs lɛk in Papa, Jizɔs insɛf bin rili want fɔ ɛp pipul dɛn.—Jɔn 14:9.

  So wi biliv tranga wan se Jiova ɛn Jizɔs want fɔ ɛp wi fɔ ɛnjɔy gud gud wan tumara bambay!—Sam 72:12-14; 145:16; Lɛta Fɔ Rom 2:4.