Prɔvabs 24:1-34
24 Nɔ jɛlɔs bad pipul dɛn,Ɛn nɔ miks wit dɛn,
2 Bikɔs dɛn de tink bɔt fɛt-fɛt,Ɛn dɛn de tɔk bɔt trɔbul.
3 Na sɛns dɛn de tek bil os,*Ɛn na ɔndastandin de mek i tinap tranga wan.
4 Na di tin dɛn we dɛn no dɛn de yuz fɔ ful-ɔp di rum dɛnWit ɔlkayn tin dɛn we gɛt valyu ɛn we fayn.
5 Sɛns de mek pɔsin pawaful,Ɛn di tin we pɔsin no de mek i gɛt mɔ pawa.
6 Fɛt wɔ afta yu dɔn gɛt gud advays,Ɛn usay bɔku pipul dɛn de we de gi advays, di pipul dɛn go win.*
7 Fulman nɔ ebul fɔ gɛt tru tru sɛns;I nɔ gɛt natin fɔ se na di siti get.
8 Ɛnibɔdi we de plan bad,Dɛn go kɔl am di papa fɔ bad plan.
9 Bad plan dɛn we nɔ mek sɛns* na sin,Ɛn pipul dɛn et pɔsin we de provok.
10 If yu at pwɛl di tɛm we yu gɛt prɔblɛm,*Yu nɔ go gɛt bɛtɛ trɛnk.
11 Sev di wan dɛn we dɛn de kɛr go fɔ go day,Ɛn stɔp di wan dɛn we de staga fɔ go usay dɛn de kil dɛn.
12 If yu se, “Bɔt wi nɔ no bɔt dis,”
Fɔ se di Wan we de chɛk mɔtalman at* nɔ no wetin yu de tink?
Fɔ tru, di Wan we de wach yu* go no,Ɛn i go pe ɔlman akɔdin to wetin dɛn de du.
13 Mi pikin, it ɔni bikɔs i gud;Ɔni we de kɔmɔt na ɔni os tes swit.
14 Semweso, no se sɛns gud fɔ yu.
If yu gɛt am, bɛtɛ go fala yu tumara bambay,Ɛn yu go kɔntinyu fɔ gɛt op.
15 Nɔ le ambush nia pɔsin we de du wetin rayt in os;Nɔ pwɛl usay i de rɛst.
16 Di wan we de du wetin rayt go fɔdɔm sɛvin tɛm, ɛn i go grap bak;Bɔt trɔbul go mek pɔsin we wikɛd fɔdɔm.
17 We yu ɛnimi fɔdɔm, nɔ gladi;Ɛn yu nɔ fɔ gladi we i bɔk in fut.
18 If nɔto dat, Jiova go si ɛn I nɔ go gladi,Ɛn I go lɛf fɔ vɛks pan am.*
19 Nɔ vɛks bikɔs ɔf wikɛd man dɛn;Nɔ milɛ wikɛd pipul dɛn,
20 Ɛnibɔdi we bad, bɛtɛ nɔ go fala am;Di wikɛd wan dɛn lamp go ɔt.
21 Mi pikin, fred Jiova ɛn di kiŋ.
Ɛn nɔ miks wit di wan dɛn we de fɛt fɔ lɛ tin chenj,
22 Bikɔs trɔbul go mit dɛn kwik kwik wan.
Udat no us bad tin dɛn* go briŋ kam pan dɛn?
23 Pipul dɛn we gɛt sɛns kin tɔk dɛn tin ya bak:
Jɔjmɛnt we nɔ fia nɔ gud.
24 Ɛnibɔdi we tɛl wikɛd pɔsin se, “Yu na pɔsin we de du wetin rayt,”
Di pipul dɛn go swɛ am ɛn di neshɔn dɛn go tɔk bad bɔt am.
25 Bɔt tin go fayn fɔ di wan dɛn we de kɔrɛkt am;Dɛn go gɛt blɛsin.
26 Di wan we de ansa ɔnɛs wan, pipul dɛn go kis in lip.*
27 Pripia yu wok we yu fɔ du na do, ɛn rɛdi ɔltin na di fam;Dɔn bil yu os.*
28 Nɔ tinap agens yu neba as witnɛs we yu nɔ gɛt gud rizin.
Nɔ yuz yu mɔt fɔ ful ɔda pipul dɛn.
29 Nɔ tɔk se: “A go du to am jɔs lɛk aw i du to mi;A go pe am fɔ wetin i du.”*
30 A pas na pɔsin we lezi in fam,Na di wan we nɔ gɛt sɛns in vayn gadin.
31 A si se i ful-ɔp wit gras;Na soso chukchuk de ɔlsay na grɔn,Ɛn in ston wɔl dɔn fɔdɔm.
32 A si dis ɛn kip am na mi at;A si am ɛn lan dis lɛsin:*
33 Slip smɔl, sɛt yu yay smɔl,Fol yu an smɔl fɔ rɛst,
34 Ɛn po go kam pan yu lɛk tifman,Dɔn di tin we yu want go kam pan yu lɛk man we ol wɛpɔn.
Futnot
^ Ɔ “mek famili.”
^ Ɔ “go bifo.”
^ Ɔ “Di bad plan dɛn we fulman de mek.”
^ Ɔ “trɔbul.”
^ Ɔ “chɛk di rizin we mek pɔsin du sɔntin.”
^ Ɔ “yu sol.”
^ Dat na, di ɛnimi.
^ Dat na, Jiova ɛn di kiŋ.
^ Ɔ i kin bi, “We pɔsin nɔ de ansa bɛnbɛn we, i tan lɛk i de kis pɔsin.”
^ Ɔ “mek yu famili.”
^ Ɔ “A go tɔn-am-gi am.”
^ Insay Ibru, “A tek di kɔrɛkshɔn:”
