“God inkusrao El ac fah oakiyac sie tokosrai su ac fah wangin saflaiya.”​—Daniel 2:44.

Ituckuh nuh sesr sie wen; ac government ac fah oan finpihsacl.​—Isaiah 9:6, BMK.

• Sie government suwohswohs ma ac wo nuh sum sifacna.​—Isaiah 48:17, 18.

• Ke facl sasuc ma apkuhran me, ac fah oasr mahno fokoko wacngihn mas ac moul insewowo.​—Fwackyuk 21:3, 4.

Ahok, ke srihpac luo:

• Jesus el ahkkahlwemye ma Tohkohsrahi luhn God uh ac fah oruh. Jesus el luti mwet tuhma lutlut lal in puhruhe ke Tohkohsrahi luhn God in tuhkuh ac ma luhngse lal in orek fin facluh. (Luke 11:2) Jesus el ahkkahlwemye lah puhruhe sac ac ahkpwacyeyuck fuhkah.

  Ke pacl se Jesus el oasr fin facluh, el kihtaclos suc masrihnsracl, ahkkweyelah mwet mas, ac ahkmoulyeack mwet misac! (Matthew 15:29-38; John 11:38-44) Jesus suc mwet kol ke Tohkohsrahi luhn God ke pacl fahsruh uh, el ahkkahlwemye ma wo ma Tohkohsrahi sac ac fah oruh nuh sin mwet suc muhta ye kolyuck luhn ma inge.​—Fwackyuk 11:15.

• Ma sikyak fin facluh uh ahkpwacyeye lah Tohkohsrahi luhn God apkuhran me. Jesus el palye lah meet liki na Tohkohsrahi sac use mislac nuh facluh, facl se lasr inge ac kuluklac ke mweun, sracl in mongo, ac kusrusr pucspucs.​—Matthew 24:3, 7.

  Kuht liye ohiyac nuhkewa inge mihsenge. Pwacnacng, kuht kuh in luhlahlfongi lah Tohkohsrahi luhn God ac fah apkuhran na in ahkwacngihnyelah ma upac nuhkewa inge.