“Mukand a Mawej oow woos i mufund ni meej ma kudy Mawej.”​—2 Timoteh 3:16, Mukand a Mawej.

Maalabul matwaatwaal musangal ku majooj miibuh ma buseeb.​—Tusumw 2:1-5.

Bulombody buwaakan mu shikacil iibuh wa mafuk moos.​—Misambw 119:105.

Kutakamin kwa biin-biin kwa mafuk miiyiiy kuuhal.​—Rom 15:4.

Ing, bwa myand yivul, kady tuteeteelok teng yisat bituh:

• Kuhwaan kwa myand yidyomw kukakashish. Bafundil Bibl mund mwa mivw yihit ha 1 600, kudy baat bat ku 40. Bavul ba kudyobw kabaakadyoh bend bamanyikangan. Ni naak, mukand oow woos i muhwaan, mwiikal ni ciin bwaal cyaakaabumw!

• Miisamb ya biin-biin. Misang yivul baat baakady bafund myand ya kal kabaakady bafundoh bend bilem bya baat ba mu bibunj byaabab. Kady bafundil Bibl, i bafund hatook bibiih byaababw ni bya biin cibunj cyaababw.​—2 Cifuk 36:15, 16; Misambw 51:1-4.

• Ciprofet cya biin-biin. Bibl ulayil kal bwa kubutuk kwa cibunj cya Babiloon mivw yit ku 200 kuuhal. (Yeshaay 13:17-22) Bibl kaleebel bituh teng mwaakadyobw mwa kubutul Babiloon, kady uleebel ni diijin dya cilobw cya diivit!​—Yeshaay 45:1-3.

  Milay yikwaabw yivul ya mu Bibl i yiikumban ni mu myand yikeeh. Kwiishoh bend wiitabij neey: Mukand a Mawej udy mwa kwiikal nook eeny?—2 Pyeel 1:21.