Ԛәдьргьртьн нава мәрьвада чьԛас дьчә һе кем дьбә. Мәсәлә, мәрьв сәр дохдьра дькьнә ԛарʹә-ԛарʹ; хԝәйед ресторана хәбатчийед хԝә беһӧрмәт дькьн; мәрьвед кӧ тәйарада ньн, һьндава хәбатчийед тәйаре беԛәдьр ьн; зарʹед нәʹс ԛәрфе дәрсдаред хԝә дькьн, ԝана дьдьнә тьрсандьне у һʹьщуми сәр ԝан дькьн; ӧса жи һьнә мәрьвед политикайе дькʹәвьнә нава шәрʹ-дәʹԝа, ле һьнәкед дьн хԝә ӧса нишан дькьн, ԝәки йанчь әԝана бь ԛәдьр ьн.

 Кʹьтеба Пироз шьровәдькә кӧ чьма иро ԛәдьргьртьн кем буйә, у рʹебәрийа бь итʹбар дьдә кӧ бь рʹасти ԛәдьргьртьн чь йә.

 Ԛәдьргьртьн йа кӧ тьштәкә гәләк ԛимәт у һежа йә, иро нав тʹәмамийа дьнйайеда кем дьбә.

•   Ль гора һʹәсаба пашьн дәрһәԛа ԛәдьргьртьне, мәрьвед Америки дьбежьн кӧ Дәԝләтед Йәкбуйида нормед нав-намусийе һьмбәри 22 салед пашԝәхтийе дьһа кем бунә.

•   Ль гора лекʹолина дьн жи, йа кӧ 28 ԝәлатада дәрбаз бу, жь 32 000 мәрьва 65 сәләфа готьн, ԝәки һьмбәри бәре ԛәдьр нав мәрьвада иро гәләк кем буйә.

 Кʹьтеба Пирозда пешда һатьбу готьне дәрһәԛа рʹабун-рʹуньштьна ԝи щурʹәйи, йа кӧ иро әм дьвиньн.

•   «Рʹожед ахьрийеда зәманед хьраб ԝе бен. Мәрьве бьбьнә хԝәһʹьз, пʹәрәһʹьз, кʹӧбар, бабах, кʹьфьр, нә гӧрʹа де-бавада, бешекьр, . . .  зӧлмкʹар, нәйаред ԛәнщийе» (2 Тимотʹейо 3:1-3).

 Сәва кӧ һе зедә пебьһʹәсьн ԝәки чаԝа әв пʹехәмбәрти иро те сери, бьхуньн готара «Гәло Кʹьтеба Пирозда Һатийә Пʹехәмбәртикьрьне, кӧ Ԝәʹде Мәда Мәрьв ԝе Чь Щурʹәйи бьн?»

 Ве дьнйайеда кʹидәре ԛәдьргьртьн кем дьбә, бь милйона мәрьв тедәрхьстьн, ԝәки Кʹьтеба Пироз рʹебәрийа гәләк баш дьдә бона ве йәке, кӧ чаԝа ԛәдьр бьдьнә кʹьфше. Рʹебәрийа ԝе, тʹьме керһати йә чаԝа ньһа, ӧса жи һʹәта-һʹәтайе (Зәбур 111:8). Дина хԝә бьдьнә чәнд мәсәла:

•   Кʹьтеба Пироз чь дьбежә: «Чь кӧ һун дьхԝазьн мәрьв бона ԝә бькьн, гәрәке һун жи бона ԝан ӧса бькьн» (Мәтта 7:12).

   Әв чь те һʹәсабе: Әм гәрәке һьндава мәрьвада ԛәнщ у бь ԛәдьр бьн, демәк ӧса чаԝа кӧ әм дьхԝазьн мәрьв һьндава мәда бьн.

•   Кʹьтеба Пироз чь дьбежә: «Дәрәԝа жь пʹесира хԝә дур хьн, жь ԝә һәр йәк һәвале хԝәрʹа рʹаст хәбәр дә» (Әфәси 4:25).

   Әв чь те һʹәсабе: Әм гәрәке ча хәбәрдана хԝәда, ӧса жи кьред хԝәда һʹәлал бьн.

 Сәва кӧ һе зедә дәрһәԛа ве тʹеме пебьһʹәсьн, жь кʹәрәма хԝә бьхуньн:

•   Бьрща Ԛәрәԝьлийе бь наве «Рʹебәрийа Рʹаст у Нәрʹаст—Чаԝа Тедәрхьн?»

•   Готар «Сәбьркьрьн—Чаԝа Кʹьтеба Пироз Дькарә Аликʹарийе Бьдә».