Зьрара жь бо шәрʹ бе һʹәсаб мәзьн ә.

•    «Сала пар, сәрԝеред дәԝләте ԝәкә $2.2 трилион пʹәрә бона чәнд шәрʹа хәрщ кьрьн. Әв һʹәсаба лапә мәзьн ә, кӧ бона шәрʹ һатийә хәрщкьрьне».—The Washington Post, 13 Сьбате, сала 2024.

 Зьрар нә тʹәне алийе пʹәрада һатийә стандьне. Ԝәрә әм дина хԝә бьдьнә мәсәләке: Шәрʹе Украинайеда.

•   Әскәр. Ль гора һьнә һʹәсаба, нава ван дӧ салед пашьнда, ԝәкә 500 000 әскәр шәрʹда һатьнә кӧштьне йан жи бьриндаркьрьне.

•   Бьнәлийед ԝәлат. Ль гора һʹәсаба Мьләтед Йәкбуйи, зедәтьри 28 000 мәрьв һатьнә кӧштьне йан жи бьриндаркьрьне. Ле мәрьвәки хԝәйиһʹӧкӧм жь Мьләтед Йәкбуйи, гот: «Бьнәлийед ԝәлат жь бо ве шәрʹе мәзьн зьрарәкә гәләк мәзьн стандьн». a

 Кӧл-дәрдед мәрьва сәр тʹәмамийа дьне, жь бо шәрʹ у проблемед ортʹа ԝәлатада, гәләк мәзьн ьн.

•   114 милйон мәрьв жь бо шәрʹ у зӧлмийе дәрбази ԝәлатед дьн бунә.—Ль гора һʹәсабед Мьләтед Йәкбуйи, бона мәһа Илоне, сала 2023.

•   783 милйон мәрьв жь бо тʹернәхԝарьне у бьрʹчибуне дьчәрчьрьн. «Мәʹнийа ве йәке шәрʹ-дәʹԝед ортʹа ԝәлатада йә, чьмки 70 сәләф мәрьвед кӧ бьрʹчи дьминьн, ван щийа дьжин, кʹидәре кӧ шәрʹ у зӧлми дьԛәԝьмьн».—Програма Һʹәмдьнйайе йа Хԝарьне.

 Гәло ԝе бе әԝ ԝәʹдә, кӧ ида шәрʹ тʹӧнә бьн? Гәло гӧман һәйә, кӧ сәр әʹрде ԝе әʹдьлайи һәбә? Гәло ԝе бе әв ԝәʹдә, кӧ һʹәму хӧрәка сәр әʹрде ӧса бе пʹарәвәкьрьне, ԝәки тʹӧ кәс бьрʹчи нәминә у кʹәсиб нибә? Кʹьтеба Пироз чь дьбежә?

 Кʹьтеба Пирозда һатьбу пʹехәмбәртикьрьне, кӧ сәр тʹәмамийа әʹрде ԝе шәрʹ һәбьн. Дәрһәԛа шәрʹ бь симболик те готьне, ча сийарәки сәр һәспе.

•   «Һьнге һәспәки дьнейи рʹәнге зәрда дәркʹәт у сийаре ԝирʹа изьн һатә дайине, кӧ әʹдьлайийе жь дьнйайе һьлдә, ԝәки мәрьв һәвдӧ бькӧжьн. Шурәки мәзьн ԝирʹа һатә дайине» (Әʹйанти 6:4).

 Пәй ԝи сийарирʹа диса дӧ сийар тен. Бь симболик әԝана тенә һʹәсабе бьрʹчибун у мьрьн, кӧ жь бо нәхԝәшийа у сәбәбед дьн пешда тен (Әʹйанти 6:5-8). Һе зедә информасийа дәрһәԛа ве пʹехәмбәртийе у дәрһәԛа ве йәке, кӧ чьрʹа әм дькарьн баԝәр бьн ԝәки әв рʹожед мәда те сери, һатийә дайине ве готареда бь наве «Чар Сийар бь Рʹасти Кʹи нә?»

 Зутьрәке ресурсед дьнйайе ԝе ида бона шәрʹ нәйенә хәрщкьрьне. Ле әв йәк ԝе бь ԛәԝата мәрьва нәйе кьрьне. Кʹьтеба Пироз дьбежә:

•   Хԝәде «шәрʹа дьдә сәкьнандьне, һәр чар ԛӧлбед дьнйайе» (Зәбур 46:9).

•   Хԝәде ԝе кӧл-дәрдед жь бо шәрʹ бь тʹәмами бьдә һьлдане. «Әԝе жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (Әʹйанти 21:4).

•   Хԝәде ԝе әʹдьлайе бинә сәр әʹрде, у тʹӧ кәс ԝе нькарьбә ве әʹдьлайе хьраб кә. «Ԝе гәле мьн ль ԝаре аштийе, ль авайед әԝлә у ль дәред рʹьһʹәт у бехәм рʹуне» (Ишайа 32:18, ИМ).

 Ль гора пʹехәмбәртийа Кʹьтеба Пироз, шәрʹ у нишанед дьн, кӧ әм иро дьвиньн, избат дькьн ԝәки әԝ ԝәʹдә, кӧ әʹдьлайи ԝе сәр тʹәмамийа дьне һәбә, ида гәләк незик ә.

 Хԝәде ԝе бь сайа сәрԝертийа хԝәйә сәр әʹзмана, демәк Пʹадшатийа хԝә, әʹдьлайе бинә сәр әʹрде (Мәтта 6:10). Сәва кӧ пебьһʹәсьн, ԝәки Пʹадшатийа Хԝәде чь те һʹәсабе у әԝе бона инсанәте чь бькә, бьньһерʹьн видео бь наве Чь йә Пʹадшатийа Хԝәде?