ПЬРСА 9
Гәло Әз Дькарьм Баԝәрийа Хԝә Еволусийе Биньм?
ТӦЙЕ ЧЬ БЬКИ?
Ве дәрәще бьдә бәр чʹәʹве хԝә: Алекс хәмгин буйә. Әԝи һәртʹьм баԝәрийа хԝә Хԝәде у әʹфьрандьне дьани. Ле иро мәкʹтәбеда дәрсдаре биоложийайе дьгот, ԝәки еволусийа әԝ бь рʹасти рʹеали йә у һәр тьшт бь зандарийе һатийә избаткьрьне. Алекс нахԝазә беаԛьл бе кʹьфше. Алекс хԝәха хԝәрʹа дьбежә: «Ахьрийа-ахьрийе һәрге зандар избат кьрьнә, ԝәки еволусийа рʹаст ә, демәк әз кʹе мә, ԝәки һьмбәри ԝан дәрем?»
Бь ньһерʹандьна ԝә, Алекс гәрәке баԝәрийа хԝә еволусийе бинә, тʹәне жь бо ԝе йәке, кӧ кʹьтебеда әԝ чаԝа избаткьрьн һатийә ньвисар е?
БЬСӘКЬНӘ У БЬФЬКЬРӘ!
Мәрьв тьштәки баԝәр дькьн, ле әԝана һʹәта хьлазийе нькарьн фәʹм бькьн чьрʹа ԝе йәке баԝәр дькьн.
-
Һьнә мәрьв баԝәрийа хԝә әʹфьрандьне тиньн, тʹәне жь бо ԝе йәке, кӧ дереда ԝана ӧса һин кьрьнә.
-
Һьнә мәрьв баԝәрийа хԝә еволусийе тиньн, тʹәне жь бо ԝе йәке, кӧ мәкʹтәбеда ԝана ӧса һин кьрьнә.
БЬФЬКЬРӘ ДӘРҺӘԚА ԜАН ШӘШ ПЬРСА
Кʹьтеба Пирозда те готьне: «Фәʹмдари йә, һәр маләк бь дәсте йәки те чекьрьне, ле йе һәр тьшт әʹфьрандийә, Хԝәде йә» (Ибрани 3:4). Гәло баԝәркьрьна ԝе йәке билани йә?
Ԝе гәләк беаԛлайи бә бежьн, ԝәки әʹмьр бе Әʹфьрандар пешда һатийә, чьмки әԝ мина ԝе йәке йә, кӧ тӧ дьхԝази избат ки, ԝәки мал бь хԝә һатийә чекьрьне
МӘРЬВ ДЬБЕЖЬН: Һәр тьшт гәрдунеда бь сайа тʹәԛандьна мәзьн һатийә чекьрьне.
1. Бь сайа кʹе йан бь сайа чь, тʹәԛандьна мәзьн пешда һат?
2. Чь дьһа бь логики йә, әԝ йәк кӧ һәр тьшт бь хԝә һатийә сазкьрьне, йан бь сайа кәсәки һатийә әʹфьрандьне?
МӘРЬВ ДЬБЕЖЬН: Инсанәт жь һʹәйԝана пешда һатийә.
3. Һәрге мәрьв жь һʹәйԝана пешда һатьнә, мәсәлә жь мәймун, демәк чаԝа әм дькарьн шьровәкьн дәрһәԛа фьрԛийа ортʹа фәрәсәтед һʹьш-аԛьле мәймуна у йа мәрьва?
4. Чьрʹа һәла һе шанед лапи бьчʹук жи гәләк чәтьн һатьнә чекьрьне?
МӘРЬВ ДЬБЕЖЬН: Еволусийа әԝ факта избаткьри йә.
5. Гәло әв мәрьве кӧ еволусийайе баԝәр дькә, хԝәха әԝ избаткьрьн леколин кьр?
6. Гәло чьԛас мәрьв баԝәрийа хԝә еволусийе тиньн, жь бо ве йәке, кӧ ԝанарʹа готьнә, ԝәки һʹәму мәрьвед хԝәнди әԝе йәке баԝәр дькьн?
«Һәрге һун нава мешәда бьвиньн маләкә бәдәԝ, гәло һуне ӧса бьфькьрьн: ‹Ча бәдәԝ ә! Даред бах ӧса кʹәтьн, ԝәки маләкә бәдәԝ чебу›. Һәмьки һуне ӧса нәфькьрьн, чьмки әԝ нә логики йә. Ле чьрʹа әм гәрәке бьфькьрьн, ԝәки һәр тьштед сәр әʹрде бь хԝә һатийә чекьрьне» (Щулийа).
«Дьԛәԝьмә кәсәк тәрʹа гьли дькә, ԝәки идарәкеда кʹидәре кʹьтеба нәшьр дькьн, тьштәк тʹәԛийа у жь бо ԝе йәке һʹӧбьр бәлайи сәр дивар бу у ӧса фәрәнгок һатә сазкьрьне. Гәло тӧйе әԝе йәке баԝәр ки?» (Гԝен).
ЧЬРʹА ЛАЗЬМ Ә БАԜӘРИЙА ХԜӘ ХԜӘДЕ БИНЬН?
Кʹьтеба Пироз мә һелан дькә, һʹьш-аԛьле хԝә бьдьнә хәбате (Рʹомайи 12:1). Әԝ йәк те һʹәсабе, ԝәки баԝәрийа тә һьндава Хԝәде гәрәке нә сәр һʹиме ԝан тьшта бә
-
ЕМОСИЙА (Әз тʹәхмин дькьм, ԝәки ԝедәре ԛәԝата жорьн гәрәке һәбә)
-
ҺʹӦКӦМЕ МӘРЬВА (Әз ԝедәре дьжим, кʹидәре мәрьв баԝәрийа хԝә Хԝәде тиньн)
-
НЬҺЕРʹАНДЬНА МӘРЬВА (Әз малбәта баԝәрмәндда мәзьн бумә у чь мьнрʹа готьнә, әз ԝе жи баԝәр дькьм)
Дәԝсе баԝәрийа тә гәрәке сәр һʹиме занәбуна рʹаст бә.
«Чахе дәрсдаре мә мәкʹтәбеда гьли дькә, чаԝа бәдәна мәрьва дьхәбьтә, ԝи чахи әз дӧдьли набьм, ԝәки Хԝәде һәйә. Һәр әндәмед бәдәна мә, һәла һе йа лапә бьчʹук жи, рʹола хԝә тинә сери, ԝи чахи жи гава әм нә жи һаш пе һәнә. Бәдәна мә бь рʹасти жи гәләк әʹщебмайи һатийә чекьрьне!» (Тереза).
«Чахе әз дьбиньм авайед тәрьки, гәмийед мәзьн йан әʹрәба, әз пьрсе дьдьмә хԝә: ‹Кʹе әԝ һәр тьшт чекьр?› Мәсәлә, тʹәне һостәйе лапи баш дькарә әʹрәбе бь тʹәмами чекә, чьмки сәва кӧ әʹрәбә бьхәбьтә, лазьм ә һәр тьштед һур жи навда бе чекьрьне. Һәрге сәва чекьрьна әʹрәбе лазьм ә һостәйе баш, демәк чь әм дькарьн бежьн дәрһәԛа чекьрьна мәрьва!» (Ричард).
«Мьн чьԛас кʹур зандари леколин дькьр, һаԛас һе кем дьбу баԝәрийа мьн һьндава еволусийайе . . . . ‹Баԝәри› дьһа зедә лазьм ә, сәва еволусийайе баԝәр ки, нә кӧ, һаԛас баԝәри лазьм ә, сәва Әʹфьрандар баԝәр ки» (Ентони).
БЬФЬКЬРӘ
Зандар бь дәһа сала леколин дькьн у һәла һе нәһатьнә сәр нетәке һьндава шьровәкьрьна еволусийе. Рʹаст ә зандар гәрәке дьһа зедә бьзаньбьн дәрһәԛа рʹастийа еволусийе, ле һәрге әԝана һе нәһатьнә сәр нетәке, демәк чьрʹа тӧ гәрәке ԝе йәкеда баԝәр би?
