Чахе Йаһоԝа малбәт саз кьр, әԝи әв шьхӧл да дәсте де-бава, ԝәки әԝана бона зарʹед хԝә хәм бькьн (Колоси 3:20). Һун ча де йан бав, щабдар ьн ԝәки зарʹа хԝә һин кьн кӧ әԝ Йаһоԝа һʹьз бькә, у ԝәки ль ахьрийе әԝ бьбә мәрьвәки щабдар (2 Тимотʹейо 1:5; 3:15). Һун ӧса жи гәрәке бьзаньбьн кӧ дьле кӧрʹ йан ԛиза ԝәда чь йә. Һәмьки мәсәла ԝәйә шәхси сәва зарʹа гәләк фәрз ә. Һуне бькарьбьн баш зарʹа хԝә һини Хәбәра Йаһоԝа бькьн, һәрге хԝәха Йаһоԝа дьле хԝәда щийе әԝльн дьгьрьн (Зәбур 40:8).

КʹЬТЕБА ПИРОЗ ЧЬ ДЬБЕЖӘ: «Хәбәрдан у һерскʹәтьнеда гьран бә» (Аԛуб 1:19). Фәʹмдари йә ԝәки һун дьхԝазьн кӧ зарʹед ԝәрʹа һеса бә, тʹәви ԝә хәбәр дьн. Зарʹ гәрәке бьзаньбьн, ԝәки һун һазьр ьн гӧһ бьдьнә ԝан чахе әԝана дьхԝазьн ԝәрʹа хәбәр дьн. Әʹдьлайе хԝәй кьн у һʹәму тьшти ӧса бькьн, ԝәки зарʹ бькарьбьн һеса нет-фькьред хԝә ԝәрʹа бежьн (Аԛуб 3:18). Һәрге әԝана дьшьрмиш бьн, кӧ һуне тʹәви ԝан сәрт бьн у ԝана щәза кьн, һьнге дьԛәԝьмә ԝәки әԝана дьле хԝә ԝәрʹа вәнәкьн. Һьндава зарʹед хԝә сәбьре бьдьнә кʹьфше. У тʹьме ԝана гӧман кьн, ԝәки һун ԝана һʹьз дькьн (Мәтта 3:17; 1 Корьнтʹи 8:1).

ЧЬ ҺУН ДЬКАРЬН БЬКЬН:

• Чахе зарʹед ԝә дьхԝазьн тʹәви ԝә хәбәр дьн, һазьр бьн гӧһ бьдьнә ԝан

• Тʹәви зарʹа нә кӧ тʹәне һьнге хәбәр дьн, чахе проблемед ԝан һәнә, ле һәр рʹож әве йәке бькьн

КʹЬТЕБА ПИРОЗ ЧЬ ДЬБЕЖӘ: «Йе кӧ гӧһ бьдә ширәте, ... бьгьһежә сәрфьразийе» (Мәтʹәлок 16:20). Щарна сәва кӧ бькарьбьн һʹәстед зарʹед хԝә фәʹм бькьн, лазьм ә һе кʹур бьньһерʹьн һәла чь әԝана бь рʹастийе дьхԝазьн бежьн. Щаһьл дькарьн щарна тьштед зедә бежьн йан жи нәрʹаст шьровәкьн, йан жи дькарьн бежьн тьштәки, ле бь рʹастийе әв тьштәки дьн һʹәсаб кьн. Дь Кʹьтеба Пирозда те готьне, ԝәки әԝе кӧ бе гӧһдарикьрьне щаба хԝә дьдә, ахмах ә (Мәтʹәлок 18:13). Перʹа-перʹа һерс нәкʹәвьн у әʹщьз нәбьн (Мәтʹәлок 19:11).

ЧЬ ҺУН ДЬКАРЬН БЬКЬН:

• Фьрԛи тʹӧнә зарʹед ԝә ԝе чь бежьн, чь жи һәбә хәбәрдана ԝан нәбьрьн, зәʹф сәрт нибьн у сәрԝахт бьн

• Бьхәбьтьн кӧ тʹьме бькьнә бира хԝә, һәла ԝә чь ль сәр хԝә тʹәхмин дькьр чахе ԝәкә зарʹед хԝә бун, у чь ԝәрʹа һе фәрз дьһатә кʹьфше

КʹЬТЕБА ПИРОЗ ЧЬ ДЬБЕЖӘ: «Лаԝе мьн, гӧһ бьдә икʹазен [ширәтед] баве хԝә, жь һинкарийен дийа хԝә нәԛәтә!» (Мәтʹәлок 1:8). Йаһоԝа де-баварʹа һʹӧкӧмәти да ль сәр зарʹарʹа. Һун гәрәке ԝан һин кьн, кӧ ԛәдьре ԝә бьзаньбьн у гӧрʹа ԝә жи бькьн (Әфәси 6:1-3). Һәрге де-бав бь һәврʹа «сәр нет-мәрәмәки» ниньн, зарʹ дькарьн әве йәке тʹәхмин кьн (1 Корьнтʹи 1:10). Ләма жи һәрге һун тьштәкида һәврʹа ԛайил ниньн, жь алийе хԝәда бьхәбьтьн, кӧ бәр зарʹа әве йәке нәдьнә кʹьфше. Чьмки жь бо ве йәке ԝе ԛәдьре ԝә, бәр чʹәʹве ԝан бькʹәвә.

ЧЬ ҺУН ДЬКАРЬН БЬКЬН:

• Шеԝьр бькьн у ԝәрен сәр нетәке, кӧ чаԝа һуне зарʹед хԝә һин кьн

• Һәрге ньһерʹандьна ԝә дәрһәԛа һинкьрьна зарʹа жь һәв щӧдә дьбә, бьхәбьтьн кӧ ньһерʹандьна мер йан жьна хԝә фәʹм бькьн

КʹЬТЕБА ПИРОЗ ЧЬ ДЬБЕЖӘ: «Зарʹок ль гора рʹейа кӧ бьгьрә мәзьн бькә» (Мәтʹәлок 22:6). Сәва кӧ зарʹед ԝә һинкьрьна баш бьстиньн, әв йәк бь хԝә наԛәԝьмә. Ле һун гәрәке сәва ве йәке тьштәки ӧса һазьр бькьн, кӧ зарʹед хԝә һин кьн (Зәбур 127:4; Мәтʹәлок 29:17). Һинкьрьна ӧса найе һʹәсабе кӧ гәрәке ԝана щәза кьн, ле әв те һʹәсабе кӧ али зарʹед хԝә бькьн ԝәки фәʹм бькьн мәʹнийа ԝан ԛәйда, кӧ һун сәва ԝан кʹьфш дькьн (Мәтʹәлок 28:7). Хенщи ве йәке, ԝана һин бькьн кӧ Хәбәра Йаһоԝа һʹьз бькьн у бькарьбьн принсипед ԝи фәʹм бькьн (Зәбур 1:2). Әв йәк ԝе али ԝан бькә, кӧ исафа тʹәмьз нав хԝәда пешда биньн (Ибрани 5:14).

ЧЬ ҺУН ДЬКАРЬН БЬКЬН:

• Али зарʹед хԝә бькьн кӧ әԝана бькарьбьн ль сәр Хԝәде ӧса бьньһерʹьн, ча ль сәр кәсе Зенди, сәр кʹижани кӧ әԝана дькарьн гӧман бьн

• Али зарʹа бькьн кӧ һин бьн тедәрхьн у бьрʹәвьн жь бенамусийе, йед кӧ дь интәрнетеда у тьштед әләктронейә дьнда жи дькарьн һәбьн. Ԝана һин кьн кӧ чаԝа гәрәке хԝә жь ԝан мәрийа дур бьгьрьн, йед кӧ зарʹа хьраб дькьн у тʹәви ԝан дьхԝазьн бькʹәвьнә һәләԛәтийа сексуал