«Хԝәде . . . жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (Әʹйанти 21:3, 4).

Һʹәму тьшти чь кӧ һун бькьн, ԝе ләзәте ԝәрʹа бинә у һʹәԝас бә (Ишайа 65:21-23).

Тʹӧ нәхԝәши у кӧл-дәрд ида ԝе тʹӧнә бьн (Ишайа 25:8; 33:24).

Һуне бьстиньн жийина бәхтәԝар у һʹәта-һʹәтайе, тʹәви малбәт у һәвалед хԝә (Зәбур 37:11, 29).

Бәле, у сәва ве йәке дӧ мәʹни һәнә:

• Ԛәԝата Хԝәде дьгьһиже, кӧ созе хԝә бинә сери. Кʹьтеба Пирозда тʹәне сәр Йаһоԝа Хԝәде те готьне, кӧ әԝ Хԝәдейе Һʹәму Зорайийе йә, чьмки ԛәԝата ԝи пʹьрʹ мәзьн ә (Әʹйанти 15:3). Демәк әв те һʹәсабе, кӧ Йаһоԝа Хԝәде дькарә созе хԝә бинә сери у һʹале дьнйайе алийе башда бьгӧһезә. У чаԝа кӧ Кʹьтеба Пироз диса щарәке избат дькә, «һәр тьшт жь дәсте Хԝәде те» (Мәтта 19:26).

• Хԝәде дьхԝазә созе хԝә бинә сери. Мәсәлә, хԝәстьна Йаһоԝа Хԝәдейә пʹьрʹ мәзьн һәйә, ԝәки диса әʹмьр бьдә ԝан мәрийа йед кӧ мьрьн ә (Ибо 14:14, 15).

  Кʹьтеба Пирозда ньвисар ә, ԝәки Кӧрʹе Хԝәде, Иса Мәсиһ нәхԝәши ԛәнщ дькьрьн. Ле чьма әԝи ӧса дькьр? Чьмки хԝәстьна ԝи һәбу әве йәке бькә (Маркос 1:40, 41). Мина Баве хԝә, Иса жи дьхԝәст али ԝан мәрьва бькьра, йед кӧ тәнгасийеда бун (Йуһʹәнна 5:19).

  Ләма жи әм дькарьн баԝәр бьн, кӧ Йаһоԝа Хԝәде у Иса Мәсиһ дьхԝазьн али мә бькьн, ԝәки әм ахьрикә бәхтәԝар бьстиньн! (Зәбур 72:12-14; 145:16; 2 Пәтрус 3:9)