«Тʹәмамийа дьнйайе бьн һʹӧкӧме Йе Хьрабда йә» (1 Йуһʹәнна 5:19).

«Кӧрʹе Хԝәде әʹйан бу, ԝәки кьред Мирещьн хьраб кә» (1 Йуһʹәнна 3:8).

Шьровәкьрьна рʹаст дәрһәԛа ԝе йәке, кӧ чьрʹа проблемед дьнйайе һәнә (Әʹйанти 12:12).

Мәʹни һәйә, ԝәки баԝәр бькьн, кӧ һʹале дьнйайе ԝе алийе башда бе гӧһастьне (1 Йуһʹәнна 2:17).

Бәле, у сәва ве йәке се мәʹни һәнә:

• Кʹӧтабуна сәрԝертийа Шәйтʹан Мире-щьна ида незик ә. Йаһоԝа Хԝәде ԛьрар кьрийә, кӧ ԝе инсанәте жь һʹӧкӧме Мире-щьна аза кә. Әԝ соз дьдә, кӧ ԝе Шәйтʹан Мире-щьна кʹӧта кә, у һʹәму зийана кӧ әԝ мәрийарʹа тинә, бьдә һьлдане (Ибрани 2:14).

• Иса Мәсиһ алийе Хԝәдеда һатийә бьжартьне, кӧ сәрԝертийе сәр дьнйайе бькә. Иса мина сәрԝеред ве дьнйайе нинә, йед кӧ зӧлм у хԝәһʹьз ьн. Йаһоԝа Хԝәде дәрһәԛа сәрԝертийа Иса, ӧса соз дьдә: «Дьле ԝи, ԝе бона кʹәсиб у бәләнгаза бьшәԝьтә . . . Әԝе нәфса ԝан жь бьндәсти у зордарийе аза кә» (Зәбур 72:13, 14, ДТʹ).

• Хԝәде дәрәԝа накә. Кʹьтеба Пирозда дәрһәԛа Хԝәде әшкәрә те готьне: «Набә кӧ әԝ дәрәԝ дәре» (Ибрани 6:18). Чахе Йаһоԝа Хԝәде тьштәки соз дьдә кӧ бькә, әԝе әʹсәйи созе хԝә бинә сери! (Ишайа 55:10, 11) Демәк, әв созе Хԝәде жи кӧ «сәрԝере ве дьнйайе бе авитьне дәрва», ԝе бе сери (Йуһʹәнна 12:31).