Әм ча зӧрʹәтед мәрьве пешьн Адәм, жь малбәтәке нә. Бь тʹәбийәти нәфәред малбәте гәрәке һәв һʹьз бькьн у ԛәдьре һәв бьзаньбьн, ле йазьх иро мәрьв һәв нәфрʹәт дькьн. Хԝәде әв йәк бона инсанәте ԛьрар нәкьрьбу.

«Һәвале хԝә ԝәкә хԝә һʹьз бьки» (ԚАНУНА КʹАҺИНТИЙЕ 19:18).

«Дьжмьнед хԝә һʹьз бькьн» (МӘТТА 5:44).

Дина хԝә бьдьне, ԝәки Хԝәде дәрһәԛа һʹьзкьрьне Хәбәра хԝәда 1 Корьнтʹи 13:4-7-да чь дьбежә:

«Һʹьзкьрьн думькдьреж у ширьн ә».

Бьфькьрә: Тӧ хԝә ча тʹәхмин дьки, гава мәрьв һьндава тәда сәбьр ьн, ԛәнщ ьн у сәр шашийед тә һерс накʹәвьн?

«Һʹьзкьрьн һʹәвсудийе накә».

Бьфькьрә: Тӧ хԝә ча тʹәхмин дьки, гава мәрьв тәда дькʹәвьнә шьке йан жи һʹәвсудийе тә дькьн?

Һʹьзкьрьн «йа хԝә нагәрʹә».

Бьфькьрә: Тӧ хԝә ча тʹәхмин дьки, гава мәрьв һазьр ьн ньһерʹандьна тә һьлдьн һʹәсаб у сәр йа хԝә насәкьньн?

Һʹьзкьрьн «кʹине нажо».

Бьфькьрә: Хԝәде һазьр ә бьбахшинә ԝан мәрийа, кʹижан кӧ гӧнед хԝә тʹобә дькьн. «Әԝ һʹәта хьлазийе һерс накʹәвә, һʹәта-һʹәтайе кʹине нажо» (Зәбур 103:9). Әве йәке әме һьнге фәʹм бькьн, чахе мәрьве кӧ жь мә хәйиди йә, бьбахшинә мә. Ләма жи әм гәрәке һазьр бьн бьбахшиньнә ԝан мәрийа, кʹижан кӧ мә дьдьнә хәйдандьне (Зәбур 86:5).

Һʹьзкьрьн «дьле хԝә ль нәһәԛийе ша накә».

Бьфькьрә: Чахе тьштәк те сәре мә, әм нахԝазьн ԝәки мәрьв дьле хԝә мә ша кьн. Ләма әм жи гәрәке ша нәбьн чахе мәрьв дьчәрчьрьн, һәрге жи ԝана әм данә хәйдандьне.

Сәва кӧ кʹәрәмед Хԝәде бьстиньн, әм гәрәке һʹәму щурʹә мәрьва һʹьз бькьн. Мәщаләк әԝ ә, ԝәки аликʹарийе бьдьнә ԝан, кʹижан кӧ һʹәԝщә нә.