Ilombolwelu ya Madivulu a Bibidya
O tuvidyu tutu tukwatekesa kwijiya kyambote o madivulu a Bibidya, o kithangana kya asoneka ni milongi yala moxi a madivulu enya. Tala o jividyu jiji phala kubandekesa o uhete wé wakutanga ni kudilonga o Bibidya.
Kilombolwelu Kya Divulu Dya Dimatekenu
Tala kyebhi o divulu dya Dimatekenu dijimbulula o musoso wa athu tundé kudimatekenu, di tutangela we kyebhi kya mateka o hadi ni kufwa.
Kilombolwelu Kya Divulu Dya Makatukilu
Nzambi wabhulula akwa Izalayele ku ubhika mu ixi ya Ijitu, yu wa akitula kifuxi kikôla phala mwene.
Kilombolwelu Kya Divulu Dya Ijila
Tala kyebhi o Divulu dya Ijila dilondekesa okuzela kwa Nzambi, dilondekesa we se mukonda dyahi twatokala kuzela kumwenyu wetu.
Kilombolwelu Kya divulu Dya Dyalwilu
Tala se mukonda dyahi twabhingi kubelesela Jihova ni kuxila yó a asolo phala kukala kupholo dya mundu wê.
Kilombolwelu Kya Divulu Dya Matendelelu
Tala kyebhi o Ijila ya Jihova ku akwa Izalayele ilondekesa o henda yê yadikota ku mundu wê.
Kilombolwelu Kya Divulu Dya Josuwé
Tala kyebhi o kifuxi kya Izalayele kyatolola ni kutambula o ixi ya abhana Nzambi.
Kilombolwelu Kya Divulu Dya Afundixi
O divulu didi ditumbula mayala aswina a fiyele, Nzambi wabhulula o akwa Izalayele bhumaku a jinguma jâ bhukaxi ka ene.
Kilombolwelu Kya Divulu Dya Lute
O divulu dya Lute dizwela yalungu ni henda yalondekesa kilumba wexile mutudi. O henda yiyi wa ilondekesa ku ukowe wamuhatu wexile we mutudi. Dizwela we kyebhi Jihova kya abesowala.
Kilombolwelu Kya Divulu Dya 1 Samuwele
Tala kyebhi o musoso wa akwa Izalayele walunguluka. Kudimatekenu akexile mwa atumina kwala o afundixi maji kupholo dyakwenda ima yalunguluka, amateka kwa atumina kwala o jisobha.
Kilombolwelu Kya Divulu Dya 2 Samuwele
Tala kyebhi o kulenduka kwa Davidi kwamubhangesa kumuzola ni kukala mwaxaxi ka athu afumana dingi mu Bibidya.
Kilombolwelu Kya Divulu Dya 1 Jisobha
Kyoso kyabhiti o izuwa ya kusanguluka ni kukemba ya akwa Izalayele mu utuminu wa Sobha Solomá, kwabhixila o kithangana kya bhonzo ya mautuminu ayadi, Izalayele ni Juda.
Kilombolwelu Kya Divulu Dya 2 Jisobha
Tala kyebhi o ubhezelu wamakutu ubhekela ibhidi yadikota, ni kyebhi Jihova kyaya ni kubesowala o athu ofele amusidivila ni muxima woso.
Kilombolwelu Kya Divulu Dya 1 Malunda
Tala o mususo wa mwenyu wa Soba Davidi, wexile muxila Nzambi tunde kya mutumbika kala soba katé mu ufwilu wê.
Kilombolwelu Kya Divulu Dya 2 Malunda
Tala kyebhi o misoso ya jisobha ja Judá, ilondekesa o mbote ya kukala fiyele kwa Nzambi.
Kilombolwelu Kya Divulu Dya Ejidala
Jihova ua kumbidila o kizuelu kiê kia kubhulula o mundu uê ku ubhika ku ixi ia Babilonha ni kubheka dingi o ubhezelu ua kidi mu mbanza ia Jeluzaleme.
Kilombolwelu Kya Divulu Dya Nehemiia
O divulu dia Nehemiia di tu longa ima iavulu ia lungu ni kubheza Nzambi mu izuua íii.
Kilombolwelu Kya Divulu Dya Estere
O misoso ni izulukutu ia bhiti mu izuua ia Estere, ia-nda suínisa o kixikanu kié mu kutena kua Jihova Nzambi kua kubhulula o mundu uê ku ibhidi lelu.
Kilombolwelu Kya Divulu Dya Jobe
Enioso a zola Jihova a-nda kua polovala. O musoso ua Jobe, u londekesa kuila, tu tena kukolokota ni kuzokela o ungana ua Jihova.
Kilombolwelu Kya Divulu Dya Jisálamu
O Jisálamu i bhana kijingu ku ungana ua Jihova, i kuatekesa ni kukonda o malamba ia athu a zolo Nzambi, ilondekesa ué kiebhi o ima mu ngongo ia-nda bhiluka, bhu kaxi ka Utuminu ua Nzambi.
Kilombolwelu Kya Divulu Dya Jisabhu
Tanga o unjimu ua Nzambi u tena ku ku kuatekesa mu njila jé joso— mu maka alungu ni kuta uenji ni mu maka alungu ni muiji.
Kilombolwelu Kya Divulu Dya Izaya
Izaya dyene o divulu mu usanga o ikanenu itena kuswinisa o kixikanu kyé kwa Jihova kya kwila Mwene Mukwa Kukumbidila o ikanenu yê, ni kwila Nzambi ya kubhuluka kwetu.
Kilombolwelu Kya Divulu Dya Jelemiya
Jelemiya wa kolokota mu kubhanga o kikalakalu kyê kya upolofeta sumbala ni ibhidi.
Kilombolwelu Kya Divulu Dya Kuditenda
O polofeta Jelemiya mwéne wasoneka o divulu dya Kuditenda, o divulu didi dizwela o malamba ejila mukonda dya kibwikilu kya Jeluzaleme ni kulondekesa kyebhi o kudyela kubhekela o muloloki wa Nzambi.
Kilombolwelu Kya Divulu Dya Izekiiele
Izekiiele ni kulenduka ni kusuina kuoso, ua kumbidila o kikalakalu kia mu bhe Nzambi, né muene kia bhonzele kiavulu. O phangu iê iala ni valolo ia dikota phala etu lelu.
Kilombolwelu Kya Divulu Dya Ikalakalu
O Jikidistá ja dyanga a kalakala ni nguzu yoso phala kubhanga maxibulu ku akwâ ifuxi yoso. O divulu dya Ikalakalu di tena ku ku swinisa kusanzumuna o ukunji wé, ni kukala ni kisangu-sangu mu ukunji.Kilombolwelu Kya Divulu Dya Ikalakalu
Kilombolwelu Kya Divulu Dya Hozeya
O ikanenu ya Hozeya yala ni disá dya valolo phala etu lelu, ya lungu ni henda ya Jihova kwa yó a dyela o ituxi yâ, ni ya lungu ni ubhezelu u xikina mwene.
Kilombolwelu Kya Divulu Dya Jowele
Jowele wa soneka ya lungu ni “kizuwa kya Jihova” kya zukama, ni ihi i twa tokala o kubhanga phala kubhuluka. O ikanenu íyi yala ni valolo ya dikota mu izwua yetu.
Kilombolwelu Kya Divulu Dya Amoji
Jihova wa tumu o dyala didi dya lenduka kubhanga kikalakalu kyala nyi valolo ya dikota. Mbote yahi i tu tena kukatula mu phangu ya Amoji?
Kilombolwelu Kya Divulu Dya Obadiya
O divulu dya Obadiya dyene o divulu dya beta o kutola mu Mikanda ya Hebalayku. O divulu didi di bhana kidyelelu dyene di kanena we kwila Jihova wa-nda zelesa o dijina dyê.
Kilombolwelu Kya Divulu Dya Jona
O polofeta wa xikina o ku mu bazela, yú wa kumbidila o ukunji wê, wa dilongo disá dya dikota ya lungu nyi henda nyi kuloloka kwa Nzambi. O phangu yê ya-nda ku swinisa.
Kilombolwelu Kya Divulu Dya Mikeya
O divulu didi dya ikanenu ya Nzambi di tena ku kolesa o kidyelelu kyetu kya kwila o ima i tu bhinga Jihova ki i bhonzo, yene phala o mbote yetu.
Kilombolwelu Kya Divulu Dya Nahumu
O kikanenu ki tu bhana kidyelelu kya kwila Jihova u kumbidila jinga o kizwelu kyê. Mu kaxi ka Utuminu wê, mwene wa-nda kubhana kukondama kwa yo a mu sota o paze ni ubhulukilu.
Kilombolwelu Kya Divulu Dya Habakuke
Etu tu tena ku dyelela kwila Jihova wa-nda bhulula o mundu wê mu ola ni mu ukexilu wa tokala.
Kilombolwelu Kya Divulu Dya Sofoniya
Mukonda dyahi twa mu kingila kwila o kizuwa kya Jihova ku fundisa, kya-nda dikumbidila ni kidi kyoso?
Kilombolwelu Kya Divulu Dya Ajew
O divulu dya Ajew di londekesa o valolo ya ku ta kupholo o vondadi ya Jihova mu kididi kya vondadi yetu.
Kilombolwelu Kya Divulu Dya Zakadiya
Isuma yavulu ni ikanenu ya swinisine o mundu wa Nzambi mu ukulu. O ikanenu yiyi kate kiki yene hanji mu swinisa o mundu wa Nzambi ku dyelela mu kikwatekesu kya Jihova.
Kilombolwelu Kya Divulu Dya Malakiya
O divulu didi di tanga kwila o ijila ya Jihova, ni kulenduka ni henda ki yene mu lunguluka, kana. O divulu didi di longa we phangu yambote phala etu mu izuwa yiyi.
Kilombolwelu Kya Divulu Dya Matesu
Dilonge yalungu ni njimbu yambote yasoneka Matesu, dyene o divulu dya dyanga mu madivulu awana azwela yalungu ni Jezú.
Kilombolwelu Kya Ddivulu Dya Máluku
Mu madivulu auana a tanga o musoso ua Jezú, o divulu dya Máluku diene o divulu dia beta o kutola, maji o divulu dia Marku di tu kuatekesa kumona Jezú ku hádia ua mu tumina kala sobha ia Utuminu ua Nzambi.
Kilombolwelu Kya Divulu Dya Luka
Ima yahi a i jimbulula ngó mu divulu dya Luka?
Kilombolwelu Kya Divulu Dya Nzwá
O divulu dya Nzwá dizwela lwa vulu ya lungu o henda ya londekesa Jezú ku mundu, o phangu yê ya kulenduka ni ku dilondekesa kala Mexiya —o Sobha ya Utuminu wa Nzambi.
Kilombolwelu Kya Divulu Dya Loma
Dijimbulula kwila Nzambi ki mukwa katombo, dijimbulula we kwila kima kyambote kukala ni kixikanu kwa Jezú Kidistu.
Kilombolwelu Kya Divulu Dya 1 Kolindu
Mumukanda wa Phawulu mwala itendelesu ni jindunde javulu jalungu ni kudibunda kumoxi, kuzela, henda, ni kidyelelu ku difukunukinu.
Kilombolwelu Kya Divulu Dya 2 Kolindu
Jihova, “o Nzambi mukwa kukonda o malamba,” u kolokotesa, ulanga o jiselevende jê.
Kilombolwelu Kya Divulu Dya Ngalásya
O mukanda wa Phawulu ku akwa Ngalásya wala ni valolo yavulu phala etu lelu kala kyexile m’ukulu kyoso mwene kya u soneka. O mukanda yú u tena kukwatekesa o Jikidistá joso kukolokota kukala fiyele.
Kilombolwelu Kya Divulu Dya Efezu
O mukanda yú yobhuse, ujimbulula o vondadi ya Nzambi yakubheka o paze ni kudibhana kyambote bhukaxi ka Jezú Kidistu.
Kilombolwelu Kya Divulu Dya Filipe
Kyoso ki tukolokota fiyele sumbala ni ibhidi, tuswinisa we akwetu kukala fiyele.
Kilombolwelu Kya Divulu Dya Kolose
Tutena kusangulukisa Jihova mukukumbidila o ima itudilonga, mukudiloloka mudyetu, ni mukwijiya o kididi kya Jezú ni ungana wê.
Kilombolwelu Kya Divulu Dya 1 Tesalonika
Twabhingi kutona munzumbi, “kutungula o ima yoso,” “kusamba jinga,” ni kudiswinisa mudyâ.
Kilombolwelu Kya Divulu Dya 2 Tesalonika
Phawulu walungulula o kibanzelu kya kexile nayu o athu kyalungu ni kizuwa kya Jihova, waswinisa we o jiphange phala n’a kolokote.
Kilombolwelu Kya Divulu Dya 1 Timote
Phawulu wasoneka o mukanda wa 1 Timote phala kulondekesa kyebhi kyatokala kwenda o ima mu kilunga, ni kudimuna yalungu ni ulongelu wamakutu ni kuzola o kitadi.
Kilombolwelu Kya Divulu Dya 2 Timote
Phawulu uswinisa Timote phala kukumbidila o ukunji wê.
Kilombolwelu Kya Divulu Dya Titu
O mukanda wa poxolo Phawulu kwa Titu uzwela yalungu ni maka exile mu bhita mu ilunga ku Keleta, ujimbulula we se ihi yabhingi kubhanga o phange yadiyala phala kusidivala kala kafunga.
Kilombolwelu Kya Divulu Dya Filemone
O divulu didi dyofele maji dyala ni madisá avulu ambote phala o Jikidistá kala o kulenduka, o kubhanga o mbote ni kuloloka.
Kilombolwelu Kya Divulu Dya Jihebelewu
O ubhezelu wa jikidistá wabeta o kota o jithembulu ni jisata jayama ndenge.
Kilombolwelu Kya Divulu Dya Tiyaku
Tiyaku wate ifika yala ni kutena kwavulu phala kulonga itumu yatokala.