Tanga Daniyele 9:1-19 phala kumona se mukonda dyahi o kudilonga ima yazongo kutukwatekesa kyavulu.

Tonginina o jivelusu jala ku pholo ni kudima dya jivelusu jiji. Ima yebhi yabhiti, ni kyebhi kyadivu Daniyele? (Dan. 5:29–6:5) Kyebhi ki weji divwa, se wexile bhu kididi kya Daniyele?

Dilonge dingi. Daniyele watokwesa mu “madivulu” ebhi? (Dan. 9:2; w11-T 1/1 22 §2) Mukonda dyahi Daniyele wafisala o ituxi yê ni ya akwa Izalayele? (Iji. 26:39-42; 1 Jis. 8:46-50; dp-T 182-184) Kyebhi o musambu wa Daniyele wotumbule mu divulu dya Daniyele 9:11-13 ulondekesa kwila, mwene wexile mudilonga kyavulu o Mak’â Nzambi?

Xinganeka mu ima i wadilongo. Dibhwidise:

• ‘Ihi ingatokala kubhanga phala o izulukutu ya mundu ki ingilandukise?’ (Mik. 7:7)

• ‘Mbote yahi ingikatula mu kudilonga o Mak’â Nzambi, kala kyexile mubhanga Daniyele?’ (w04-T 1/8 12 §17)

• ‘Milongi yebhi yanda ngikwatekesa ‘kudilanga’ mu nzumbi?’ (Mat. 24:42, 44; w12 1/8 13 §7-8)