Kala Kyasoneka Luka 3:1-38
3 Ku muvu wa kakwinyi ni kitanu wa utuminu wa Tibéliyu Sézalu, kyoso Pônsyu Pilatu kyexile nguvulu ya Judeya, Helode wexile mu tumina o mbanza ya Ngalileya, o phang’yê, Filipe, wexile mu tumina o mbanza ya Ituleya ni ya Talakonite, o Luzanya wexile nguvulu ya Abilene.
2 Mu izuwa ya akunji a makota Hanaji ni Kayafa, o maka ma Nzambi, eza kwa Nzwá, mon’a Zakadiya, kyoso mwene kyakexile mu mukáwu.
3 Mwene anga u nyunga mu jimbandu joso ja Njolodá, mu kuboka kwila o athu abhingi kwa batizala, mu kulondekesa kwila adyela o ituxi yâ phala kwa loloka.
4 Kala kyosoneke mu divulu dya polofeta Izaya, kyoso kyambe, wixi: “Evu dízwi dya muthu wa mu dikola mu mukáwu: ‘Yudikenu o njila phala Jihova! Yukisenu o ikoka yê.
5 O jihonga joso atokala ku ji lámba, o milundu yonene ni yofele atokala ku isokelesa, o jihonda atokala ku ji yukisa, o jinjila ja bhengalala atokala ku ji yudika.
6 Athu oso anga anda mona o kubhuluka kwa Nzambi.’”
7 Mwene anga wambela o mundu wakexile mu kwiza phala kwa batizala kwa mwene, wixi: “Enu mu an’â madyuta, nanyi wa mitangela kwila, mutena kulenga o njinda ya Nzambi yanda kwiza?
8 Mu kiki-phe, imenu ibundu yafwama ya kudyela. Kanenu kuzwela ku mixima yenu kwila, ‘Tat’etu Mbalahamu.’ Mukonda ngi mitangela kwila, mu matadi yá, Nzambi utena kubhanga-mu an’a phala Mbalahamu.
9 O dikuwa adite kyá ku jindanji ja mixi. Mu kiki, muxi woso ukamba kwima ibundu yambote, anda ubatula ni ku utakula mu túya.”
10 O athu akexile mu mwibhwidisa, exi: “Ihi-phe itwatokala kubhanga?”
11 Mwene wakexile mwatambwijila: “Woso wala ni izwatu iyadi, awane ni yó kalé ni kizwatu. Woso wala ni kudya, abhane we mukwâ.”
12 Katé mwene ni akwa kutambula o lubhaku eza we kwa Nzwá, phala kwa batizala, ya a mwibhwidisa, exi: “Mesene, ihi itwatokala o kubhanga?”
13 Mwene wa atambwijila, wixi: “Ki mu bandekese o lubhaku, maji mu bhinga ngó kala kyoxinde mu kijila.”
14 O masoladi anga a mwibhwidisa we, exi: “Ihi itwatokala o kubhanga?” Mwene wa atambwijila, wixi: “Ki mu bhange kyayibha* ku muthu woso-woso, ki mu bhane we umbangi wamakutu, maji o kitadi kyene mu mifuta ki misoke.”
15 Mundu woso wakexile mu kinga ni hânji yoso ni kuxinganeka ku mixima yâ, yalungu ni Nzwá, exi: “O kwila yú, mwéne Kidistu?”
16 Nzwá wa atambwijila, wixi: “Eme ngi mi batizala ni menya, maji kwanda kwiza yó wala kota eme ndenge, ki ngi fwama ku mu jitwina o mikolo ya jihayi jê. Mwene wanda mi batizala ni nzumbi ikôla ni túya.
17 Mwene wakwata o kivotelu kyê bhu maku, phala kutungula o tiliku mu ibhyate, ni kuzelesa o kididi kyê. Anga wanda bhongolola o tiliku yê mu kididi kya kubhaka o idima, maji o ibhyate-phe, wanda itakula mu túya, kituxikina dingi kujima.”
18 Nzwá wabhana we itendelesu ya mukwá ku mundu, yu wasuluka mu ku abokela o njimbu yambote.
19 Maji mwene wakexile mu bazela o nguvulu Helode, mukonda dya Helodiya, muhatu wa phang’yê, ni ima ya mukwá dingi yayibha yakexile mubhanga mwene.
20 Ku ima yoso yiyi yayibha, wa bandekesa-ku dingi kima kya mukwá: o kuta Nzwá mu kaleya.
21 Kyoso kyazubha kubatizala o mundu woso, Jezú we a mu batizala. Kyakexile mu samba, o dyulu dya jikuka,
22 anga o nzumbi ikôla ituluka kwa mwene kala dyembe, ku dyulu anga kutunda dízwi, dixi: “Eye u Mon’ami wakazola, eme nga kuxikina.”
23 Kyoso Jezú kyamateka o kikalakalu kyê kya kulonga, mwene wakexile ni makwinyi atatu amivu. Kala kya kexile mu banza o athu, mwene wexile,mon’a Zuze,mon’a Heli,
24 mon’a Mathathe,mon’a Levi,mon’a Meleki,mon’a Janayi,mon’a Zuze,
25 mon’a Matatiya,mon’a Amoji,mon’a Nahumu,mon’a Ezeli,mon’a Nangayi,
26 mon’a Mahate,mon’a Matatiya,mon’a Semeyi,mon’a Jozeke,mon’a Joda,
27 mon’a Nzwaná,mon’a Leza,mon’a Nzolobabele,mon’a Salatiyele,mon’a Nedi,
28 mon’a Meleki,mon’a Adi,mon’a Kozame,mon’a Elemada,mon’a Hele,
29 mon’a Jezú,mon’a Eliyezele,mon’a Jodime,mon’a Mathathe,mon’a Levi,
30 mon’a Ximinyá,mon’a Juda,mon’a Zuze,mon’a Jonamu,mon’a Eliyakimi,
31 mon’a Meleya,mon’a Mena,mon’a Mathatha,mon’a Natane,mon’a Davidi,
32 mon’a Jesé,mon’a Obede,mon’a Bowaji,mon’a Salumone,mon’a Nasono,
33 mon’a Aminadabe,mon’a Adime,mon’a Hezelone,mon’a Peleji,mon’a Judá,
34 mon’a Jakobo,mon’a Izake,mon’a Mbalahamu,mon’a Tela,mon’a Naholo,
35 mon’a Suluku,mon’a Lewú,mon’a Peleke,mon’a Hebele,mon’a Selá,
36 mon’a Kayinane,mon’a Alufaxadi,mon’a Seme,mon’a Nowé,mon’a Lameke,
37 mon’a Metuzaleme,mon’a Enoko,mon’a Jalede,mon’a Mahalalele,mon’a Kayinane,
38 mon’a Eno,mon’a Sete,mon’a Adá,mon’a Nzambi.
Footnotes
^ Mba, “ki mu dye mangonya mu kutambula kitadi.”
