Naagga. Inuit suut ingalas­simas­saneraat aalajanger­niarlugu peqatigiif­fit­ta filmit, atuak­kat erinarsuutil­lu aalajangersimasut misis­sor­neq ajor­pai. Sooq?

  Biibilimi inuit ataasiak­kaat “ajun­ngitsumik ajor­tumil­lu” im­mik­koor­titsisin­naaler­nis­saq siuner­taralugu paasin­nis­sin­naas­sutsimik ineriar­tor­titseq­qul­lugit kajumis­saar­neqar­put. – Hebræerit 5:14.

  Biibilimi tun­ngaviusunik najoq­qutas­siaqar­poq kristumiup aliik­kutas­saminik toq­qaaniar­nermini eq­qarsaatigisarsin­naasaanik. a Inuunitsin­ni sutigut tamatigut anguniagaraar­put Naalak­kamut suut iluarinar­tuunersut qulak­keer­tuar­tar­nis­saat. – Efesosimiut 5:10.

  Ilaqutariin­ni it­tuusut oqar­tus­saas­suseqar­nerat Biibilimi ajoqersuutigineqar­poq, taamaat­tumik aliik­kutas­sat aalajangersimasut inoqutimin­ni sam­mineqar­tan­ngin­nis­saat aalajangersin­naavaat. (1 Korinthimiut 11:3; Efesosimiut 6:1-4) Kialuun­niil­li filmit, erinarsuutit erinarsor­tar­tul­lu aalajangersimasut Nalunaajaasunut, ilaqutarin­ngisaminut, iner­teq­qutigisin­naan­ngilai. – Galatiamiut 6:5.