UIMI Wesleyip, 54-iin­nar­nik ukioqarluni, qaratsamigut navianar­tumik tinuneqalersimanera tusarlugu Doreen as­sut tupap­poq. * Nakorsat oqar­put uia qaam­matialuin­nar­ni inuusin­naasoq. Ima oqalut­tuar­poq: “Tusak­kak­ka up­perisin­naan­ngilak­ka. Sapaatit-akun­nerini arlalin­ni aliasun­nermik iliuuseqarsin­naan­ngilanga. Al­laan­ngilaq uagut pin­nata al­lat taama misigisaqar­tut. Piareersiman­ngilanga.”

Ajoraluar­tumik Doreenip misigisaa nalingin­naavoq. Kinaluun­niit toqus­sutaasin­naasumik nap­parsimalersin­naavoq. Inup­pas­suit asasamin­nik toqus­sutaasin­naasumik nap­parsimalersunik kajumis­sutsimin­nik paaq­qutarin­nit­tar­tut nersor­tariaqar­put. Paaq­qutarin­nit­tul­li an­ner­tuunik unam­miniagas­saqar­put. Ilaqutaasut asasar­tik toqus­sutaasin­naasumik nap­parsimalersoq qanoq tup­pal­lersarsin­naal­lugulu paaq­qutarisin­naavaat? Paaq­qutarin­nit­tut nap­parsimasumik isumas­suinermin­ni misigis­sutsit as­sigiin­ngitsut aq­qusaak­katik qanoq naam­magalugit atorsin­naavaat? Nap­parsimasup toqujar­tor­nerani suut naatsorsuutigineqas­sap­pat? Siul­ler­tul­li nalitsin­ni toqus­sutaasin­naasunik nap­parsimasunik paaq­qutarin­nin­nerup unam­miniar­nar­neranut pis­sutaasut sam­meriar­tigit.

Ukiut hundredit matuma mis­saata sior­na al­laat nunani siuarsimanerusuni inuit sivikin­nerujus­suarmik inuusar­put. Nap­paatit tuniluut­tut ajutoor­neril­lu pis­sutigalugit inuit toqujaar­nerusar­put. Nap­parsim­maviit amerlan­ngil­lat, inup­pas­suil­lu ilaqut­tamin­nit paaq­qutarineqarlutik angerlarsimaf­fim­min­ni toqusar­put.

Nalitsin­ni nakorsaariaatsik­kut siuarsimaneq pis­sutigalugu inuuneq sivitsor­niarlugu nakorsat nap­paam­mik akiuil­luar­nerusin­naap­put. Siusin­nerusuk­kut inuit nap­paatit ingerlaan­nangajak toqus­sutigisagaat  nalitsin­ni ukior­pas­suar­ni atugarineqarsin­naap­put. Inuunermil­li sivitsuineq peq­qis­sinermik kinguneqar­tuaan­nar­neq ajor­poq. Nap­parsimasut amerlaner­tigut arlalin­nik ajoquteqaler­taramik im­min­nut paaq­qutarisin­naajun­naar­tar­put. Inun­nik taamaat­tunik paaq­qutarin­nin­neq as­sut ilungersunar­nerul­lunilu pisariuneruvoq.

Tamatuma kingunerisaanik angerlarsimaf­fim­mi toqusar­tut ikiliar­torlutik nap­parsim­mavim­mi toqusar­tut amerliar­tor­put. Nalitsin­ni inuit amerlanerit qanoq toqujar­tor­toqar­tar­toq ilisiman­ngilaat, inuil­lu ikit­tuin­naat aner­ninger­tumik takusaqarsimap­put. Inuup nalusani pil­lugit siooranini im­maqa pis­sutigalugu ilaqut­tami nap­parsimasup paaq­qutarinis­saa saper­nar­tit­tar­paa saperluin­nar­tarluguluun­niit. Suut iluaqutaasin­naap­pat?

Doreenip misigisaanit ersersin­neqar­tutut inup­pas­suit asasamik toqus­sutaasin­naasumik nap­parsimaler­nera ar­torsaatigingaar­tar­paat. Er­numanin­ni, siooranin­ni aliasun­nin­nilu pisus­sanut piareersarumal­lutit suut iluaqutigisin­naavigit? Guutimut kif­faq aalajaatsoq ima qinuvoq: “Ilin­niar­titsigut ul­luvut kisit­taq­qul­lugit uum­matitsigut ilisimas­suseqalersil­luta.” (Tus­siaat 90:12) Aap, asasavit ul­luisa kingul­liit ajun­ngin­ner­paamik atorsin­naajumal­lugit silatusaarlutit ‘ul­lun­nik kisitsisar­nis­samut’ ikioq­qul­lutit Jehova Guuti qaman­nga pisumik qin­nuigiuk.

Taamaaliorumal­lutit pilersaarusiorluar­tariaqar­putit. Asasat suli at­taveqaqateqarsin­naap­pat atuk­kanilu pil­lugit eq­qar­tuerusus­suseqar­pat im­maqa silatusaar­nerus­saaq aalajangiisin­naajun­naar­pat kia aalajangiis­sus­sisar­nis­saa pil­lugu oqaloqatigiguk­ku. Uum­marsar­neqar­nis­samut, unitsitaanis­samut aalajangersimasul­lu pil­lugit nakorsar­tin­nis­samut tun­ngatil­lugu sunik kis­saateqar­neranik oqaloqatigiil­luarsimaneq paatsooqatigiin­ngin­nis­samut ilaqutaasul­lu nap­parsimasoq sin­nerlugu aalajangiisariaqar­tut im­minut pisuutin­ngin­nis­saan­nut iluaqutaasin­naavoq. Pif­fis­saal­luar­til­lugu oqaloqatigiil­luar­nik­kut ilaqutariit nap­parsimasoq paaq­qutaril­luar­nerusin­naavaat. Biibilimi al­las­simavoq: “Isumalioqatigiit­toqan­ngik­kaangat pilersaarutit asuliin­nar­tar­put.” – Ussatit 15:22.

Nalingin­naasumik paaq­qutarin­nit­tup tup­pal­lersaanis­saa pingaar­ner­paasar­poq. Inuup toqujar­tor­tup asaneqar­nini kisimiin­ngin­ninilu pil­lugit qularun­naarsin­neqar­tuar­nis­sani pisariaqar­tit­tar­paa. Qanoq taamaalior­toqarsin­naava? Nap­parsimasup atuak­kanik erinarsuutinil­lu nuan­narisaanik atuf­fat­tar­neratigut erinarsorfigisar­neratigul­lu. Inup­pas­suit ilaqut­tamin­nit tasior­neqar­ner­tik saamasumil­lu oqaluun­neqar­ner­tik tup­pal­lersaatigisar­paat.

 Pulaar­tut kinaaneran­nik oqar­tar­neq iluaqutaasar­poq. Nalunaarusiami ima al­las­simasoqar­poq: “Oqar­toqar­tar­poq misigis­sutini tal­limaasuni tusaasin­naaneq kingul­ler­tut an­naaneqar­tar­toq. [Nap­parsimasut] sinip­pasik­kaluar­tut tusaal­luarsin­naasarmata eq­qumatil­lugit oqaatigerusun­ngisan­nik oqaaseqaqinak.”

Ajor­nan­ngip­pat qinoqatigiit­taritsi. Biibilimi eq­qaaneqar­poq apustili Paulusi angalaqataalu naner­tisimangaarlutil­lu navianar­torsior­tut. Paulusip taman­na eq­qaareerlugu ikin­ngutini kimigiiserfigai: ‘Ilis­sis­saaq qin­nus­sinis­sigut ikiueqataagitsi.’ (2 Korinthimiut 1:8-11) Naner­tisimangaar­nermi perulun­nermilu qaman­nga pisumik qinuneq nal­ler­nis­saqan­ngilaq.

Asasap toqujar­tor­nerata eq­qarsaatiginera an­nikil­liuutaangaar­tar­poq. Toqu pissusissamisuunngimmat taman­na paasinar­poq. Toqu inuunitsin­ni nalingin­naasutut isigis­sal­lugu pin­ngor­titaan­ngilagut. (Romamiut 5:12) Guutim­mi oqaasiani ‘akeq­qatut’ taaneqar­poq. (1 Korinthimiut 15:26) Taamaat­tumik asasap toqusus­saaneranik eq­qarsaatigin­nin­naveersaar­neq paasinar­poq, al­laat nalingin­naavoq.

Taamaat­torli ilaqutaasut qanoq pisoqarsin­naaneranut piareersimaneq siooraval­laan­ngin­nis­samut nap­parsimasul­lu sapin­ngisamik ilorrisimaar­tin­nis­saanut iluaqutigis­savaat. Nalaan­neqarsin­naasut ilaat ungalusami “ Sapaatit-akun­neri kingul­liit”-mi al­las­simap­put. Soorunami imaas­sin­naavoq ilaat nalaan­neqaratil­lu tul­leriiaar­neri al­laanerusut. Nap­parsimasul­li amerlaner­paar­taasa al­lan­nguutit taak­kua ilaat misigisar­paat.

Asasamik toqusoor­nerup kingor­na ikin­ngutaal­luar­tup ikiuinis­samut akuersereersimasup at­taviginis­saa silatusaar­nerusin­naavoq. Paaq­qutarin­nit­tut ilaqutaasul­lu asasamik naal­liuk­kun­naar­nera pil­lugu oqarfigineqar­tar­nis­sar­tik pisariaqar­tis­sin­naavaat. Inun­nik Pin­ngor­titsisup ‘toqungasut sun­nguamil­luun­niit ilisimasaqan­ngin­neran­nik’ asan­nil­luni neriorsoq­qis­saar­paatigut. – Oqaluus­sisar­tup oqaasii 9:5.

Ilaqutaasup toqus­sutaasin­naasumik nap­parsimanerata nalaaniin­naan­ngitsoq kisian­ni aam­ma toqusoor­nerup kingor­na aliasun­nermi Guutimik tatigin­nin­nis­saq pingaaruteqarluin­nar­poq. Taas­suma al­lat oqaasiisigut iliuusiisigul­lu ikiorsin­naavaatit. Doreen ima oqar­poq: “Ikiuerusut­tunik kik­kun­nil­luun­niit itigar­titsisan­ngin­nis­sara ilik­kar­para. Al­laat ikiuerusut­tut taama amerlatiginerat ajasoorutigaar­put. Uigalu nalun­ngil­luin­nar­par­put Jehovap ima oqarfigiin­naraatigul­lusooq: ‘Najor­pas­si ikius­sal­lusilu.’ Taman­na puiun­ngisaan­nas­savara.”

Aap, Jehova Guuti isumas­suil­laq­qin­ner­paavoq. Pin­ngor­tik­kamisigut an­niar­ner­put aliasun­ner­pul­lu paasil­luin­narsin­naavai. Piner­tusaar­nis­satsin­nut pisariaqar­tumik ikiuinis­saminut tup­pal­lersaanis­saminul­lu piumas­suseqangaar­poq. Sulili pingaar­ner­tut, qanit­tuk­kut toqu atuuk­kun­naarsil­luin­nas­sal­lugu inuil­lu mil­liardil­lit eq­qaaman­nis­sin­naas­sutsiminiit­tut tamaasa toqumit makitis­sal­lugit neriorsuivoq. (Johan­nesi 5:28, 29; Saq­qum­mersitat 21:3, 4) Taamanik­kus­samut apustilitut Paulusitut ima oqarsin­naas­saagut: “Toqu, ajugaanerit naak? Toqu, iguutit naak?” – 1 Korinthimiut 15:55.