UKIUP 670-ip mis­saani Kr.in.si. As­syria nunarsuarmi naalagaaf­fis­suit an­nersarilersimavaat. British Museumip nit­tar­tagaa naaper­torlugu As­syria “kitaani Cyper­nimiit kangiani Iranimut isorar­tutigaaq, al­laal­lumi Egypteni As­syriamut ukiuni arlalin­ni ilaasimavoq”. As­syriami il­loqarfiit pingaar­nersaat, Nineve, taamani nunarsuarmi il­loqarfiit an­nersaraat. Il­loqarfik taan­na kusanar­tunik naatsiivip­pas­suaqar­poq, il­lus­saarsuaqar­poq angisuunil­lu atuagaateqarfeqarluni. Ninevetoq­qami iik­kani kigar­tuk­kanit ersersin­neqar­poq kun­ngi As­surbanipali As­syriami kun­ngit al­lat as­sigalugit im­minut ‘silarsuup kun­ngianik’ taagorsimasoq. Taamanik­kut As­syria Ninevelu ajugaaf­figineqarsin­naan­ngitsutut ip­put.

As­syrial­li pis­saaneqar­ner­paaf­fiani Jehovap pruf­fiitia Sefania ima siulit­tuivoq: ‘Jehovap As­syria piuneerutis­savaa. Nineve inuilaan­ngor­tis­savaa puilasuitsutut paner­tigilersil­lugu.’ Aam­ma Jehovap pruf­fiitia Nahumi ima siulit­tuivoq: “Sølvimik ujajaagitsi, kuultimik ujajaagitsi! ... Piuneerus­saap­put, inuerutitaap­put, suerutitaap­put! ... Qimarratigis­savaatsit ilin­nik takun­nit­tut tamarmik oqarlutik: ‘Nineve piuneerus­saavoq.’” (Sef 2:13; Nah 2:10, 11; 3:7) Inuit siulit­tuutit taak­ku tusaramik­kit ima eq­qarsarsimas­sap­put: ‘Ilumut taamaat­toqarsin­naava? Naalagaaf­fis­suaq As­syria ajugaaf­figineqarsin­naagami?’ Up­periuminaas­simas­saqaaq.

Ajugaaf­figineqar­porli! Ukiup 600-p mis­saani Kr.in.si. As­syria Babylonimiunit mederinil­lu ajugaaf­figineqar­poq. Kingor­na Nineve inuerup­poq eq­qaamaneerul­lunilu. The Metropolitan Museum of Ar­t naaper­torlugu Nineve kingusin­nerusuk­kut matoorus­saal­luni takuneqarsin­naajun­naar­poq taamaal­laal­lu Biibilimiit ilisimaneqarluni. Biblical Archaeology Society naaper­torlugu As­syriami il­loqarfiit pingaar­nersaata piusimanera 1800-kkut aal­lar­tin­neran­ni ilisimaneqan­ngilaq. 1845-mili itsar­nisarsiooq Austen Henry Layard Ninevemi il­lukunik as­saal­luni aal­lar­tip­poq. Nas­saarisaanit paasinarsivoq Nineve il­loqarfis­suusimasoq pigis­saarfioqisoq.

Ninevemik siulit­tuutit eq­quuteq­qis­saar­nerat up­per­nik­kut nakus­satsis­sutigalugu qularin­ngil­luin­nar­par­put aam­ma nalitsin­ni politik­kik­kut pis­saanil­lit atuuk­kun­naarsin­neqar­nis­saat pil­lugu Biibilimi siulit­tuutit eq­quuk­kumaar­tut. – Dan 2:44; Saqq 19:15, 19-21.