YOMARA aqqalunilu – Marcelo aamma Hiver – Guatemalami illoqarfeeq­qami najugaqar­put. Jehovap Nalunaajaasuisa Yomara Biibilimik misis­sueqatigisaler­paat, kingusin­nerusuk­kullu aqqaluai peqataasaler­put. Aporfeqar­porli, qatan­ngutigiit taakku pingasut tap­piitsuup­put, allan­nerillu qat­tunin­ngorlugit sanaat tap­piitsut satsil­lugit atuarsin­naasaat atuarsin­naan­ngilaat. Taamaat­tumik Biibilimik ilin­niar­titsisuata ilin­niagas­sami immik­koor­tut allas­simaf­fiillu atuf­fas­sis­sutigisar­pai.

Ataatsimiigiar­nis­sarlu aamma ajor­nakusoor­tip­paat. Ataatsimiit­tarfim­mut qanin­ner­paamut 40 minutsit ungasitsigisumut nam­min­neerlutik angalasin­naan­ngil­lat. Ilagiin­nili qatan­ngutit ataatsimiin­ner­nut najuun­nias­sam­mata ikior­tar­paat. Qatan­ngutigiillu ulluin­narni ataatsimiin­nermi pisas­saqar­talermata alan­ngaarinis­samut qatan­ngutinit ikior­neqar­tar­put.

2019-imi maajimi illoqarfeeq­qami ilagiit­tut ataatsimiit­toqar­taler­poq. Aap­pariimmi pioneriusut illoqarfeeq­qamut nuus­simap­put. Tap­piitsunut allan­nerit ilin­niarsiman­ngik­kaluarlugit qatan­ngutigiit tap­piitsut ilin­niar­tin­nias­sagamik­kit ilin­niarusup­paat. Taamaat­tumik atuak­kanik ator­niar­tarfim­mukar­put tap­piitsunut allan­nerit pil­lugit atuak­kat ator­niarlugit.

Qaam­matialuit qaangiut­tut qatan­ngutigiit taak­kua pingasut tap­piitsunut allan­nerit ilik­kapal­lap­paat atuarsin­naan­ngorlugillu. a Tamatumalu kingunerisaanik anersaak­kut siumukarluar­put. Maanna Yomara, Marcelo aamma Hiver pioneritut kif­far­tor­put, Marcelolu ilagiinni kif­far­tor­tuuvoq. Ullut tamaasa Jehovamut kif­far­tor­nermik ulap­puteqar­tar­put. Aal­lus­sil­luar­nerallu allanut sun­niuteqarluar­poq.

Ilagiit asan­nil­lutik tapersersuinerat qatan­ngutigiit pingasut qujamasuutigaat. Yomara oqar­poq: “Nalunaajaasut attavigeq­qaaratsigilli taak­kua kristumiutut asan­nin­neq ilumoor­toq uagutsin­nut ersersip­paat.” Marcelo ima oqar­poq: “Ilagiitsinni ikin­nguteqarluar­pugut, nunarsuarlu tamak­kerlugu anersaak­kut ilaqutaqar­pugut asaqatigiil­luin­nar­tunik.” Yomara aqqalunilu nunarsuup paratiisin­ngor­nerata takunis­saa qilanaareqaat. – Tuss 37:10, 11; Es 35:5.