Nalunaajaasut uanga inus­siar­nisaarfigiin­nar­nanga qim­mikka ilas­sior­tar­paat. Ilaanni Nalunaajaasut ilaata Elainemik atil­lip qim­mikka mamarsaatis­saan­nik tunivai. Tamatuma kingorna qim­mit aneeruk­kaangak­kit mamar­tutorusul­lutik Nalunaajaasunut kalit­taler­paan­nga.

Qaam­matialuit ingerlap­put. Qim­mit mamarsar­tar­put, uangalu Nalunaajaasut oqaloqatigilaar­tar­pakka. 70-illi sin­nerlugit ukioqar­punga, Nalunaajaasullu suna upperineraat nalugakku tunuarsimaar­tar­punga. Sior­natigut upperisarsioqatigiit kristumiut pakatsif­figisimagak­kit Biibilip misis­soq­qis­saar­nerani nam­mineerusun­nerusar­punga.

Tamatuma nalaani illoqarfimmi sumiif­finni allani Nalunaajaasut allat atuagaasivim­mik angal­lat­tagalisar­tut takusar­pakka. Taakku aamma inus­siar­nisaar­tuaan­nar­put. Apeq­quteqaraangama Biibili atorlugu akisar­paan­nga, taman­nalu pis­sutigalugu tatigineruler­pakka.

Ullut ilaanni Elainep ima aperaanga: ‘Upperaajuk uumasut Guutimit tunis­sutaanerat?’ Ima akivunga: ‘Ilaana!’ Taava Esaja 11:6-9 atuar­pai. Ulloq taanna aal­lar­nerfigalugu Biibili pil­lugu paasisaqar­nerorusuler­punga Biibililersaarutinilli suli perusun­nanga.

Kingorna Elaine uialu Brent soqutiginar­tumik naatsumilli oqaloqatigisaler­pakka. Kristusi qanoq ilaar­neqarsin­naasoq paasinias­sagakku Biibilip atuagar­taanik Matiusimiit Apustilit Suliaan­nut atuaq­qul­lunga kajumis­saar­paan­nga. Taamaalior­pungalu. Sivitsun­ngitsorlu 2016-imi aasak­kut Brentip Elainellu Biibilimik misis­sueqatigisaler­paan­nga.

Sapaatit-akun­neri tamaasa Biibilimik misis­sueqateqar­nis­sara naalagaaf­filersaarfim­milu ataatsimiin­nis­sat qilanaarisaler­pakka. Biibilimi sor­piaat ilin­niar­titsis­sutigineqar­tut paasigak­kit nuan­naar­punga pil­luaq­quneqar­tutullu misigalunga. Ukioq ataaseq sin­nilaarlugu qaangium­mat Jehovap Nalunaajaasuatut imermut morsutsin­neqar­punga. Maanna 79-inik ukioqar­punga, upperisarsior­tullu ilumoor­tut nas­saarisimagak­kit qujamasungaar­punga. Jehovap ilaqutariis­sor­taanut ilaasin­naanera pil­luaq­qus­sutitut isigaara.”