Inuit ileq­qoris­saar­tut suup eq­qor­tuunera eq­qun­ngitsuuneralu ilisimaaril­luar­paat. Taman­na pisumi aalajangersimasumi misigis­susaan­nik tun­ngaveqarani qanoq pis­suseqar­nis­samut najoq­qutas­sianik patajaatsunik, al­laat kisimiin­nermi malit­tak­kanik, tun­ngaveqar­poq.

Meeq­qat atuaqatitik, nipilersuutit tusar­naar­tak­katik isigin­naar­tak­katil­luun­niit aq­qutigalugit ileq­qoris­saar­neq pil­lugu eq­qun­ngitsunik as­sigiin­ngitsor­pas­suar­nik tusagaqar­tar­put. Taman­na suup eq­qor­tuuneranik suul­lu eq­qun­ngitsuuneranik ilin­niarsimasamin­nik qularutigin­niler­neran­nik kinguneqarsin­naavoq.

Taman­na pingaar­tumik inuusut­tuaraanermi ajor­nar­torsiutaasar­poq. Atuak­kami Beyond the Big Talk-imi al­las­simavoq taamaalinerani “nuan­narineqar­nis­samut akuerineqar­nis­samul­lu ilutinit at­taveqaqatigiit­tarfin­nil­lu tatineqangaar­tar­neq paasisariaqaraat, aam­ma tamatigut pingaar­titatik aalajangius­satil­lu tun­ngavigalugit, im­maqa al­laat ikin­ngutimik nuan­narin­ngisaan­nik, aalajangiisar­nis­sar­tik ilin­niar­tariaqaraat”. Ersarip­poq inuusuttuaranngunnginnerminni ilin­niar­tin­neqar­nis­sar­tik pisariaqar­tik­kaat.

Ileq­qoris­saar­neq suuner­soq er­seq­qis­sar­taruk.

NAJOQ­QUTAS­SIAQ BIIBILIMEER­SOQ: ‘Inersimasun­ngorluarsimasut [tas­saap­put] ajun­ngitsumik ajor­tumil­lu im­mik­koor­titsisin­naanermik sungius­sisimasut.’ – Hebræerit 5:14.

• Iliuut­sit nas­suiar­tak­kit. Ul­luin­nar­ni pisut atorlugit as­sigiin­ngis­sutsit nas­suiar­tak­kit: “Taman­na un­neq­qarin­neruvoq; taman­na un­neq­qarin­nerun­ngilaq.” “Taman­na ilumoorfigin­nin­neruvoq; taman­na ilumoorfigin­nin­nerun­ngilaq.” “Taman­na inus­siar­nisaar­neruvoq; taman­na inus­siar­ner­nerun­ngilaq.” Pif­fis­sap ingerlanerani meeq­qavit ileq­qoris­saar­neq iliuutsik­kut qanoq ersersin­neqar­tar­toq paasilis­savaa.

• Tun­ngaviler­suisarit. As­sersuutigalugu ima aperisin­naavutit: Sooq un­neq­qarit­tuar­neq pitsaaner­paava? Sal­luneq ikin­ngutigiin­nermut qanoq ajoqutaasin­naava? Sooq til­lin­neq eq­qun­ngitsulior­nerua? Eq­qarsalersitsiniar­neq meeq­qavit suup eq­qor­tuuneranik eq­qun­ngitsuuneranil­lu paasin­nin­nis­samut iluaqutigis­savaa.

• Iluaqutis­sar­tai er­seq­qis­sar­tak­kit. Ima oqarsin­naavutit: “Un­neq­qaris­suuguit al­lat tatigis­savaatsit” imaluun­niit “Inus­siar­nersuuguit al­lat ilagalutit nuan­naris­savaat”.

 Ilaqutariit­tut tamas­si ileq­qoris­saar­nis­sar­si qulak­keeruk.

NAJOQ­QUTAS­SIAQ BIIBILIMEER­SOQ: “Im­mis­sin­nik misiligitsi!” – 2 Korinthimiut 13:5.

• Ileq­qoris­saar­neq pil­lugu najoq­qutas­siat ilaqut­tan­nit tamanit malin­neqar­tariaqar­put qular­nak ima oqarsin­naanias­sagavit:

  • “Ilaqut­tatsin­ni sal­lusoqar­neq ajor­poq.”

  • “Al­lat an­nersin­neq ajor­pavut nil­liaf­figinerlu ajorlugit.”

  • “Soq­qusaatsumik oqalun­neq ajor­pugut.”

Meeq­qavit takus­savaa ileq­qoris­saar­neq pil­lugu najoq­qutas­siat malit­tarisas­saan­naanatik ilaqut­tavit ilisimaneqaatigerusuk­kaat.

• Ilaqutariit­tut pingaar­titasi meeq­qal­lu eq­qar­tukulasarsigit. Ul­luin­nar­ni pisut ilin­niar­titsinermi ator­tak­kit. Pingaar­titasi TV-k­kut atuarfim­miluun­niit eq­qaaneqar­tunut sanil­liut­tarsin­naavasi. Meeq­qat aperisaruk: “Il­lit qanoq iliorsimas­sagaluar­pit?” “Ilaqutariit­tut qanoq iliorsimas­sagaluar­pugut?”

Ileq­qoris­saaq­qul­lugit kajumis­saar­tuak­kit.

NAJOQ­QUTAS­SIAQ BIIBILIMEER­SOQ: ‘Ilerasuutis­saqar­naveersaaritsi.’ – 1 Petrusi 3:16, tastamantitâĸ 1961-imi naqitigaq.

• Pis­suserin­nera pil­lugu ner­sualaar­taruk. Meeq­qat eq­qor­tulioraangat nersualaar­taruk nas­suiaal­lugulu taamaalior­nera sooq pingaaruteqar­toq. As­sersuutigalugu oqarsin­naavutit: “Un­neq­qarik­kavit tul­luusimaarutigaak­kit.” Meeq­qat eq­qun­ngitsuliorsimanerminik nas­suerutigin­nip­pat naq­qin­ngin­nerani un­neq­qarin­nera pil­lugu ilumoorlutit nersualaaruk.

• Pis­susilun­nera naq­qiguk. Meeq­qatit iliuutsimin­nut akisus­saasuunermin­nik akuerin­nin­nis­saan­nut ikiuk­kit. Paasisariaqar­paat qanoq ajortuliorlutik ajor­tuliar­til­lu ilaqutariit nalingin­naasumik pis­suserisar­tagaan­nit qanoq allaanerusoq. Angajoq­qaat ilaasa meeq­qat nikal­lor­tik­kusun­ngin­namik­kit eq­qun­ngitsulior­neran­nik paasitin­neq ajor­paat. Pis­susilun­nerli pil­lugu meeq­qavit oqaloqatigineqar­nini nalun­ngeqatigin­nis­sum­mik ineriar­tor­titsinis­samut iluaqutigis­savaa.