Angajoq­qaat maligas­siuisut ilin­niar­titsis­sutigisamit­tut inooriaaseqar­tar­put. As­sersuutigalugu er­nip­pit un­neq­qaris­suunis­saa ilimagisin­naan­ngilat oqarasuaatik­kut oqaloqateqarusun­nak ima oqar­tutit tusaaguniuk: “Angerlarsiman­ngin­neran­nga.”

“Ima oqar­tar­neq nalingin­naavoq: ‘Oqar­nit­tut ilius­saatit, iliuusik­ka malin­nagit.’ Taamaalior­nerli meeq­qat iluaqutiginavian­ngilaat. Svampitut oqaatsin­nik iliuutsin­nil­lu tamanik mil­luaasutul­lusooq ip­put, ilin­niar­titsis­sutigisar­pul­lu maleruan­ngik­kutsigu uparuas­savaatigut.” – David.

BIIBILIMI NAJOQQUTASSIAQ: “Oqaluussisartutit: ‘Tillissanngilatit,’ nammineq tillittarpit?” – Romamiut 2:21, NW.

Qitor­namut sun­niiner­paat tas­saap­put angajoq­qaat, tas­saanatik taas­suma peqatai. Tas­sa il­lit qitor­nap­pit eq­qor­tumik siulersor­nis­saanut sun­niuteqar­ner­paasin­naavutit – soorunami ilin­niar­titsis­sutigisatit maleruaruk­kit.

“Qas­seer­pas­suariarluta oqaaseqarsin­naavugut meerarlu tusaanersoq qularutigalugu, ataasiarlutali oqaaserisatsitut iliun­ngik­kut­ta meeq­qap uparuar­tar­paatigut. Meeq­qat tusaan­ngis­sorigaluaraangatsigil­luun­niit tusaasar­put.” – Nicole.

BIIBILIMI NAJOQQUTASSIAQ: ‘Ilisimassuseq pavannga pisoq unneqqarissuuvoq.’ – Jaaku 3:17.

Nammineq najoqqutatit misissukkit. Qanoq it­tut aliik­kutarisar­pigit? Aap­pat qitor­natil­lu qanoq pisar­pigit? Inuit qanoq it­tut ikin­ngutigaagit? Al­lanik isumas­suisar­pit? Naatsumik oqaatigalugu qitor­nan­nut pis­susereq­qusat­tut pis­suseqar­pit?

“Uigalu nam­mineq maleruarusun­ngisatsin­nik qitor­navut najoq­qutaqar­tin­ngilavut.” – Christine.

Kukkugaangavit utoqqatsertarit. Qitor­navit naam­mal­luin­nan­ngitsuusutit nalun­ngereer­paa. Pisariaqaraangat aap­pan­nut qitor­nan­nul­lu utoq­qatser­taruit qitor­natit pingaarutilin­nik, un­neq­qaris­suunermik maniguut­tuunermil­lu, ilin­niar­tis­savatit.

“Kuk­kus­suteqaraangat­ta tamatumin­nga nas­suerutigin­nin­nis­sar­put utoq­qatser­nis­sar­pul­lu qitor­nat­ta tusaasariaqar­paat. Taamaan­ngip­pat nam­min­neq kuk­kus­sutimin­nik iser­tuus­sineq ileq­quliutis­savaat.” – Robin.