Ilaqutariit ilaan­ni meeq­qat il­lumi sulias­sanut ikiuun­nis­saan­nik piumaf­figineqar­tar­put, naam­magit­taal­lior­natil­lu ikiuut­tar­put. Ilaqutariin­ni al­lani angajoq­qaat taama piumasaqar­tigineq ajor­put, meeq­qal­lu sapin­ngisamik an­nikin­ner­paamik sulias­saqar­nis­sar­tik iluariin­nar­tar­paat.

Misis­sueq­qis­saar­ner­nit paasineqar­poq pingaar­tumik nunani kil­ler­ni meeq­qat ikiuunnatik iluatattuusut. Ataataasoq Steven ima oqar­poq: “Ul­lumik­kut meeq­qat spil­lit, inter­neti fjer­nsynilu taamaal­laat sam­misar­paat. Piumaf­figineqar­pal­laar­neq ajor­put.”

Illit qanoq isumaqar­pit? Angerlarsimaf­fiup eq­qiluitsuutin­nis­saa pis­sutigiin­nar­nagu aam­mali meeq­qat ineriar­tor­nerat eq­qarsaatigalugu il­lumi sulias­sat ilumut pingaaruteqar­pat?

Angajoq­qaat ilaasa, pingaar­tumik meeq­qat ilin­niagas­sar­pas­suaqaraangata sun­ngif­fim­milu sam­misas­sar­pas­suaqaraangata, il­lumi sulias­siinis­sar­tik tunuarsimaarfigisar­paat. Iluaqutis­sal­li uku eq­qarsaatigik­kit.

Meeqqat ineriartuutigisarpaat. Meeq­qat il­lulereqataasar­tut atuarfim­mi iluatsil­luar­nis­saat ilimanar­nerusar­poq. Il­lulereqataaneq meeq­qap im­minut tatiginermik, im­minut naalak­kersin­naanermik aalajangiusiman­nis­sin­naanermil­lu – ilin­niar­nermi pingaaruteqarluin­nar­tunik – ineriar­tor­titsinis­samut iluaqutigisar­paa.

Meeqqat allanik sullissinissaq ilinniartarpaat. Ilaasa maluginiarsimavaat meeq­qat angerlarsimaf­fim­mi ikiuut­tar­tut inersimasun­ngoraangamik inuiaqatigiin­nik ikiuiumanerusar­tut. Il­lumi sulias­sin­neqar­neq al­lat pisariaqar­titaan­nik sal­liutitsinis­samik ilin­niar­titsis­sutaam­mat taman­na tupin­nan­ngilaq. Steven, siusin­nerusuk­kut is­suaavigineqar­toq, ima oqar­poq: “Meeq­qat piumaf­figineqan­ngitsut misigiler­tar­put sul­lin­neqar­tus­saal­lutik, taman­nalu inersimasutut akisus­saas­suseqar­nermut tamaviaarlunilu sulinis­samik piumaf­figineqar­tar­nermut tun­ngatil­lugu kuk­kusumik isigin­nit­taaseqalis­sutigisar­paat.”

Ilaqutariittut ataasioqatigiinnerulersitsisarpoq. Meeq­qat angerlarsimaf­fim­mi suliaqar­nermik­kut ilaqutariin­ni pingaaruteqar­ner­tik ilik­kaan­nar­nagu akisus­saaf­feqar­ner­tik ilik­kar­tar­paat. Angajoq­qaat sun­ngif­fim­mi sam­misas­sat il­lumi sulias­sanit pingaar­nerutip­patigit taman­na ilik­kar­neqan­ngitsuus­saaq. Im­minut aperigit: ‘Qitor­nama arsaqatigisar­tak­kani ilaqut­taminit ataqatigil­luar­nerup­pagit sumut iluaqutaas­sagami?’

Mikineranniit suliassittakkit. Ilaat oqar­tar­put meeq­qat pingasunik ukioqaleraangata angajoq­qaanit sulias­sin­neqar­tas­sasut. Al­lat oqar­tar­put marlun­nik ukiul­lit al­laal­luun­niit siusin­nerusuk­kut sulias­sin­neqar­tas­sasut. Unali pineqar­poq: Meeq­qat mikisut angajoq­qaatik suleqatigis­sal­lugit ilaas­sal­lugil­lu nuan­narisar­paat. – Najoqqutassiaq Biibilimeersoq: Ussatit 22:6.

Ukiuinut naleqquttunik suliassittakkit. As­sersuutigalugu pingasunik ukiulik pin­ngus­sanik torersaanermut, al­lar­terinermut error­tas­sanil­luun­niit im­mik­koor­titerinermut ikiuus­sin­naavoq. Meeq­qat anginerulaat støvsugersin­naap­put, biilimik saliisin­naap­put al­laal­lu nerisas­siorsin­naal­lutik. Sapin­ngisaan­nik sulias­sin­neqar­tar­nis­saat pingaaruteqar­poq. Ikiuus­sin­naaner­tik qanoq nuan­naritigigaat im­maqa tupaal­laatigis­savat.

Illumi suliassat pingaartikkit. Meeq­qat ul­lut tamaasa ilin­niagas­sar­pas­suaqar­pat taman­na saper­narsin­naavoq. Meeq­qal­li karakteerigis­saar­nias­sam­mata il­lumi sulias­siisan­ngin­neq ‘kuk­kusumik pingaar­nersiuinermut takus­sutis­saasoq’ atuak­kami The Price of Privilege-mi al­las­simavoq. Eq­qaaneqareersutut il­lumi sulias­sin­neqar­tar­neq meeq­qat atuarfim­mi ingerlal­luar­nis­samut iluaqutigisarpaat. Aam­ma nam­min­neq ilaqutar­taar­nis­samin­nut piareersaatigis­savaat. – Najoqqutassiaq Biibilimeersoq: Filippimiut 1:10.

Anguniagaq eqqarsaatigiuk. Imaas­sin­naavoq qitor­nat kis­saatigisan­nit sivisunerusumik il­lulerisoq. Im­maqa aam­ma eq­qarsarsin­naavutit suliaa pitsaanerusin­naagaluar­toq. Taama pisoqar­pat suliaanik arsaar­naveersaaruk. Kusanaq­qis­saar­tumik suliaqar­toqar­nis­saa anguniagaanani meeq­qavit akisus­saas­suseqar­nermik ilin­niar­nis­saa suliaqar­nerul­lu nuan­nersuuneranik paasin­nin­nis­saa anguniagaavoq. – Najoqqutassiaq Biibilimeersoq: Oqaluussisartup oqaasii 3:22.

Eqqortumik pissutiginiagaqaqqullugit ilinniartikkit. Ilaat oqar­tar­put meeq­qat il­lumi suliaqar­ner­tik pil­lugu akis­sarsisin­neqar­neq akisus­saas­suseqaler­nis­samik ilik­kas­sutigis­sagaat. Al­lat oqar­tar­put akis­sarsisin­neqar­neq pis­sutigalugu meeq­qat ilaqutariin­nut tunissuteqarnissartik pin­nagu tunineqarnissartik isiginiar­neruler­taraat. Aam­ma mianersoq­qus­sutigisar­paat meeq­qat naam­mat­tunik aningaasaateqaleraangamik il­lumi suliaqarusuk­kun­naar­tar­nerat – taman­na il­lumi suliaqar­titsisar­nermi anguniak­kap maangaan­nar­neranut takus­sutis­saavoq. Taamaat­tumik kaasarfim­mius­sat il­lumi sulias­sanut at­tuumas­suteqan­ngin­nis­saat pitsaanerus­saaq.