جاراتىلىس عاجايىپتارى
سەگىزاياقتىڭ تاڭعاجايىپ قارماۋىشتارى
روبوت جاسايتىن ينجەنەرلەر دارىگەرلەرگە ارناپ ادام دەنەسىنىڭ قول جەتپەيتىن قۋىستارىنا وتا جاساۋعا مۇمكىندىك بەرەتىن قۇرىلعىلار ويلاپ تابۋدا. ولاردىڭ كومەگىمەن دەنەنى ۇلكەن ەتىپ كەسپەي، وتانى بىرنەشە تەسىك ارقىلى جاساۋعا بولادى. وسى سالاداعى ٴبىر جاڭاشىلدىق: سەگىزاياقتىڭ اسا يكەمدى قارماۋىشتارىنا سۇيەنىپ ٴبىر قۇرىلعى جاساپ شىعارىلدى.
كوڭىل قويارلىق جايت. سەگىزاياقتار وزدەرىنىڭ ۇزىن دا ەپتى سەگىز قارماۋىشىمەن ٴتىپتى كىشكەنتاي قۋىستارعا كىرىپ، ونداعى زاتتاردى ۇستاپ، قىسىپ، ەزىپ تاستاي الادى. ولار قارماۋىشتارىن كەز كەلگەن باعىتقا ٴيىپ قانا قويماي، قاجەت كەزىندە قارماۋىشىنىڭ ٵرتۇرلى بولىگىن قاتايتا الادى.
زەرتتەۋشىلەر سەگىزاياقتىڭ قارماۋىشتارى سياقتى جۇمساق تا يكەمدى روبوت-قارماۋىش ادام دەنەسىن مەيلىنشە از كەسۋ ارقىلى وتا جاساۋدا تاپتىرماس قۇرال بولادى دەگەن ويدا. وسىنداي قۇرىلعىنىڭ ارقاسىندا وتانى الدەقايدا كۇردەلى جولمەن جاساۋدىڭ قاجەتى بولماس ەدى.
سەگىزاياق قارماۋىشتارىنىڭ ەپتى قيمىلى
مۇنداي روبوت-قارماۋىش قازىردىڭ وزىندە جاسالىپ، جاساندى وتالاردا قولدانىلۋدا. 5،13 سانتيمەترلىك بۇل قارماۋىشتىڭ ٴبىر بولىگى ادامنىڭ جۇمساق ىشكى مۇشەلەرىن ەش زاقىم كەلتىرمەي كوتەرىپ، ۇستاپ تۇرسا، وزگە بولىگى وتا جاسايدى. وسى قۇرىلعىنى جاساپ شىعارۋشىلاردىڭ ٴبىرى توممازو ٴرانزانيدىڭ ايتۋىنشا، «بۇل قۇرىلعى ارتىقشىلىعى كوپ، الدەقايدا جەتىلدىرىلگەن قۇرىلعىلاردى جاساۋعا باستاما بەرمەك».
جۇمساق تا يكەمدى روبوت-قارماۋىش وتا جاساۋدا تاپتىرماس قۇرال بولماق
ٴسىز قالاي ويلايسىز؟ سەگىزاياقتىڭ قارماۋىشتارى ەۆوليۋسيا بارىسىندا پايدا بولدى ما، الدە بۇل جاراتۋشىنىڭ تۋىندىسى ما؟
قىزىقتى بولار مالىمەتتەر
كىتاپتار مەن كىتاپشالار
«تىرشىلىك وزدىگىنەن پايدا بولدى ما؟»
تىرشىلىكتىڭ قالاي باستاۋ العانىنا قاتىستى كىمنىڭ سوزىنە سەنەتىنىڭىز وتە ماڭىزدى.
كىتاپتار مەن كىتاپشالار
تىرشىلىكتىڭ باستاۋى. بەس ماڭىزدى سۇراق
ايعاقتاردى مۇقيات قاراستىرىپ، ٶزىڭىز ٷشىن شەشىپ الىڭىز: ەۆوليۋسياعا سەنەسىز بە، الدە جاراتىلىسقا ما؟
تىرشىلىكتىڭ پايدا بولۋىنا قاتىستى كوزقاراستار
ماسسيمو تيستارەللي. روبوتوتەحنيكتىڭ ٶز سەنىمى جايلى اڭگىمەسى
عىلىمدى قاتتى قۇرمەتتەگەنى ونىڭ ەۆوليۋسيا تەورياسىنىڭ دۇرىستىعىنا كۇماندانۋىنا سەبەپ بولدى.
جاراتىلىس عاجايىپتارى
تۇتامداي بالىقتىڭ تيتانداي قۇيرىعى
اتباستى بالىقتىڭ بىرەگەي قۇيرىعى قالايشا روبوتوتەحنيكا سالاسىندا تىڭ جوبالارعا قوزعاۋ بولىپ وتىرعانى جايلى ٴبىلىڭىز.