ەۆرەيلەرگە 2:1—18
2 سول سەبەپتى سەنىم جولىنان ەشقاشان اۋىتقىپ كەتپەس ٷشىن+، ەستىگەندەرىمىزگە+ بۇرىنعىدان دا مۇقيات دەن قويۋىمىز كەرەك.
2 ويتكەنى پەرىشتەلەر ارقىلى بەرىلگەن ٴسوز*+ بۇلجىمايتىن بولعان، ال ونى بۇزعان نە مويىنسۇنباعان ادام ٵدىل جازاعا تارتىلعان+.
3 ولاي بولسا، قازىر قۇداي ۇسىنىپ وتىرعان وتە كەرەمەت قۇتقارىلۋدى ەلەمەسەك، قالايشا جازادان قۇتىلماقپىز+؟ قۇتقارىلۋ تۋرالى بۇل حاباردى ايتۋدى يەمىز باستاعان+، ال ەستىگەندەر ونى بىزگە ايتىپ بەردى.
4 ولارمەن بىرگە بەلگىلەر، كەرەمەتتەر، ٵرتۇرلى قۇدىرەتتى ىستەر+ ارقىلى جانە ٶز ەركىنە ساي كيەلى رۋح ۇلەستىرۋ+ ارقىلى قۇداي دا كۋالىك ەتتى.
5 ويتكەنى ول ٴبىز ايتىپ وتىرعان بولاشاق دۇنيەنى+ پەرىشتەلەرگە باعىندىرىپ بەرگەن جوق قوي.
6 قايتا، ٴبىر جەردە الدەكىم بىلاي كۋالىك ەتكەن: «ٶزىڭ ۇمىتپايتىنداي ادام كىم سونشا؟ سەن قامىن ويلايتىنداي ادام بالاسى كىم+؟
7 ونى پەرىشتەلەردەن ٴسال تومەن قويدىڭ، ۇلىلىق پەن قۇرمەتتى ٴتاج ەتىپ كيگىزدىڭ جانە قولىڭنان شىققان كۇللى جاراتىلىستىڭ ۇستىنەن بيلىك بەردىڭ.
8 ٴبارىن ونىڭ اياعىنىڭ استىنا سالىپ، باعىندىردىڭ+». قۇداي وعان ٴبارىن باعىندىردى+، باعىندىرماعان ەشتەڭە قالعان جوق+. سويتسە دە ٴبىز وعان ٴبارىنىڭ باعىندىرىلعانىن+ ٵلى كورگەن جوقپىز.
9 ٴبىراق كەزىندە پەرىشتەلەردەن ٴسال تومەن قويىلعان+، ال قازىر بولسا ازاپتالىپ ولگەنى ٷشىن ۇلىلىق پەن قۇرمەتتى ٴتاج ەتىپ كيگەن يسانى+ كورۋدەمىز. قۇدايدىڭ راقىمىنىڭ ارقاسىندا ول كۇللى ادامدار ٷشىن ٶلدى+.
10 بارلىعىن ٶزى جاراتقان، ٵرى ٶزى ٷشىن جاراتقان قۇداي كوپ ۇلدارىن داڭققا بولەۋ ٷشىن+، ولاردى قۇتقارىلۋعا جەتكىزەتىن باس جەتەكشىنىڭ+ ازاپ شەگۋ ارقىلى كەمەلدىلىككە جەتكەنىن دۇرىس دەپ تاپتى+.
11 قاسيەتتى ەتىپ جاتقان دا، قاسيەتتى بولىپ جاتقاندار+ دا ٴبىر اكەدەن+ تارايتىندىقتان، ول ولاردى باۋىرىم دەپ اتاۋدان ۇيالمايدى+.
12 ول: «اتىڭدى باۋىرلارىما جاريالايمىن. قاۋىمدا سەنى انمەن ماداقتايمىن»+،— دەيدى.
13 بۇعان قوسا: «مەن وعان سەنىم ارتامىن»+،— دەيدى، سونداي-اق: «مىنە، مەن جانە ەحوبا* ماعان سيلاعان بالالار مۇندامىز»+،— دەيدى.
14 «بالالار» ەت پەن سۇيەكتەن بولعاندىقتان، ول دا ەت پەن سۇيەكتەن تۇراتىن ادام بولدى+. ول ٶزىنىڭ ٶلىمى ارقىلى ولىمگە ۇشىراتا الاتىن+ ٸبىلىستى قۇرتۋ ٷشىن+
15 جانە ولىمنەن قورقىپ ٶمىر بويى قۇل بولعانداردىڭ ٴبارىن بوساتۋ ٷشىن ادام بولىپ كەلدى+.
16 ول پەرىشتەلەرگە ەمەس، ىبىرايىمنىڭ ۇرپاعىنا كومەكتەسۋگە كەلدى+.
17 سوندىقتان ول ادامداردىڭ كۇناسى ٷشىن تاتۋلاستىراتىن+ قۇرباندىق بەرىپ+، قۇدايعا دەگەن قىزمەتىندە مەيىرىمدى دە ادال باس ٴدىني قىزمەتكەر بولا الۋ ٷشىن، بارلىق جاعىنان «باۋىرلارىنا» ۇقساس بولۋى ٴتيىس ەدى+.
18 سىنالعاندا ٶزى دە ازاپ شەككەندىكتەن+، ول سىنالىپ جاتقاندارعا كومەككە كەلە الادى+.