يشايا 2:1—22
2 اموس ۇلى يشايانىڭ ياھۋدا مەن يەرۋساليم تۋرالى كورگەن ايانى+:
2 سوڭعى كۇندەردە ەحوبانىڭ ٷيى تۇرعان تاۋتاۋ شىڭدارىنان اسقاق بولىپ، بەرىك ورنىعادى+،ول توبە اتاۋلىدان جوعارى كوتەرىلەدى،بارلىق حالىقتار سوعان قاراي اعىلاتىن بولادى+.
3 كوپتەگەن حالىقتىڭ ادامدارى كەلىپ:
«جۇرىڭدەر، ەحوبانىڭ تاۋىنا كوتەرىلىپ،جاقىپتىڭ قۇدايىنىڭ ۇيىنە بارايىق+.
ول ٴبىزدى ٶز جولدارىنا ۇيرەتەدى،سوندا ٴبىز ونىڭ جولدارىمەن جۇرەمىز+»،— دەيدى.
ويتكەنى سيوننان زاڭ، يەرۋساليمنەن ەحوبانىڭ ٴسوزى شىعادى+.
4 قۇداي ۇلتتار اراسىندا سوت جۇرگىزەدى،كوپتەگەن حالىقتاردىڭ يگىلىگى ٷشىن بار ٸستى تۇزەتەدى.
ولار سەمسەرلەرىنەن سوقا،نايزالارىنان وراق سوعادى+.
حالىق حالىققا قارسى ەندى قايتىپ سەمسەر كوتەرمەيدى،ولار سوعىسۋدى دا ۇيرەنبەيدى+.
5 ەي، جاقىپتىڭ ٷيى، كەلىڭدەر،ەحوبانىڭ نۇرىندا جۇرەيىك+.
6 سەن حالقىڭدى، جاقىپتىڭ ٷيىن، تاستاپ كەتتىڭ+،سەبەبى ولار شىعىستان كوپ نارسەگە ۇيرەندى؛فىلىستىرلەر سياقتى سيقىرلىقپەن اينالىسادى+،ارالارىندا جاتجەرلىكتەردىڭ بالالارى قاپتاپ كەتتى.
7 ەلدەرى كۇمىس پەن التىنعا تولى،قازىنالارى سانسىز كوپ.
ەلدەرى جىلقىعا تولى،اربالارى سانسىز كوپ+.
8 ەلدەرى تۇككە تۇرعىسىز قۇدايلارعا تولى+.
ولار ٶز قولدارىنان شىققان،ساۋساقتارىمەن جاساعان زاتتارعا باس يەدى.
9 وسىلاي ادام ٶز قادىرىن ٴتۇسىرىپ، ماسقارا بولادى،سەن ولاردى كەشىرە المايسىڭ.
10 ەحوبانىڭ قورقىنىشتى قاھارىنان،ايبىندى ۇلىلىعىنان جارتاسقا بارىپ تىعىلىڭدار،جەردەگى وي-شۇڭقىرلارعا جاسىرىنىڭدار+.
11 تاكاپپار ماسقارا بولىپ، كوزىمەن جەر شۇقيدى،پاڭداردىڭ كوكىرەگى باسىلادى.
سول كۇنى ەحوبا عانا اسقاقتايدى.
12 ويتكەنى بۇل — اسكەرباسى ەحوبانىڭ كۇنى+.
بۇل كۇن ٵربىر تاكاپپار، ٵربىر مەنمەن ادامنىڭ باسىنا تۋادى،جوعارى نە تومەن دارەجەلى بولسىن — ٴبارىنىڭ باسىنا تۇسەدى+.
13 ليۆاننىڭ بيىك تە اسقاق قاراعايلارىنىڭ،باشان ەمەندەرىنىڭ ەشقايسىسى قاشىپ قۇتىلا المايدى.
14 ودان كۇللى اسقار تاۋلار مەن بيىك قىراتتار دا،
15 كۇللى ٴزاۋلىم مۇنارالار مەن بەرىك دۋالدار دا،
16 تارسيس كەمەلەرى+ مەنكوز تارتارلىق قايىقتاردىڭ ەشقايسىسى دا قاشىپ قۇتىلا المايدى.
17 تاكاپپاردىڭ كوكىرەگى باسىلادى،پاڭدار تومەندەتىلەدى.
سول كۇنى ەحوبا عانا اسقاقتايدى.
18 تۇككە تۇرعىسىز قۇدايلار ٸز-ٴتۇزسىز جوعالادى+.
19 ەحوبا ۇرەي تۋدىرىپ، جەردى ٴدۇر سىلكىندىرۋ ٷشىن تۇرەگەلگەندە،ونىڭ قورقىنىشتى قاھارىنان، ايبىندى ۇلىلىعىنانجۇرت جارتاستارداعى ۇڭگىرلەرگە تىعىلادى،جەردەگى وي-شۇڭقىرلارعا كىرىپ جاسىرىنادى+.
20 سول كۇنى جۇرت كۇمىس پەن التىننان جاساپ العان،تۇككە تۇرعىسىز قۇدايلارىنجەرتەسەرلەر* مەن جارقاناتتارعا لاقتىرادى+.
21 ەحوبا ۇرەي تۋدىرىپ، جەردى ٴدۇر سىلكىندىرۋ ٷشىن تۇرەگەلگەندە،ونىڭ قورقىنىشتى قاھارىنان، ايبىندى ۇلىلىعىنانجارتاستارداعى ۇڭگىرلەرگە، قۇزدارداعى قۋىستارعا تىعىلۋ ٷشىن سولاي ەتەدى.
22 ەندەشە، ٶز يگىلىكتەرىڭ ٷشىن،جۇمىر باستى پەندەگە ارقا سۇيەۋدى دوعارىڭدار!
ول مۇرنىنداعى دەمىنىڭ ارقاسىندا عانا جەر باسىپ ٴجۇر.
ودان كەلىپ-كەتەر پايدا بار ما؟!
سىلتەمەلەر
^ وبىر ۇساق سۇتقورەكتىلەر.
