مۇسانىڭ 5-جازباسى 4:1—49
4 ەندى، يسرايل حالقى، مەنىڭ سەندەرگە ۇيرەتىپ جاتقان نۇسقاۋلارىم مەن شەشىمدەرىمدى تىڭداپ، ورىنداڭدار. سوندا امان بولاسىڭدار+ جانە اتا-بابالارىڭنىڭ قۇدايى ەحوبا بەرگەلى جاتقان جەرگە كىرىپ، ونى يەمدەنەسىڭدەر.
2 مەن سەندەرگە بۇيىرعان وسى سوزدەرگە ەشتەڭە قوسپاڭدار، ولاردان ەشتەڭە الماڭدار+. مەن سەندەرگە جەتكىزىپ وتىرعان ەحوبا قۇدايلارىڭنىڭ زاڭدارىن ورىنداپ جۇرىڭدەر.
3 پەعور باعالىنا قاتىستى جاعدايدا ەحوبانىڭ نە ىستەگەنىن ٶز كوزدەرىڭمەن كوردىڭدەر. ەحوبا قۇدايلارىڭ پەعور باعالىنا تابىنعانداردىڭ ٴبارىن ارالارىڭنان قۇرتتى+.
4 ال ەحوبا قۇدايلارىڭا ەتەنە جاقىن جۇرگەن سەندەردىڭ بۇگىندە كوزدەرىڭ ٴتىرى.
5 يەلەنەتىن جەرلەرىڭە بارعاندا ۇستانۋلارىڭ ٷشىن، ەحوبا قۇدايىم ماعان بۇيىرعانداي، مىنە، سەندەرگە ونىڭ نۇسقاۋلارى مەن شەشىمدەرىن ۇيرەتتىم+.
6 ولاردى ۇقىپتىلىقپەن ورىنداڭدار+. وسى نۇسقاۋلار جايلى ەستىگەن باسقا حالىقتار بۇدان سەندەردىڭ دانالىقتارىڭ+ مەن پاراساتتىلىقتارىڭدى+ كورىپ: —مىنا ۇلى حالىق نەتكەن دانا ٵرى پاراساتتى!— دەيتىن بولادى+.
7 شاقىرعاندا ٵردايىم جانىمىزدان تابىلاتىن ەحوبا قۇدايىمىزداي، باسقا قانداي ۇلى حالىقتىڭ قۇدايى بار+؟
8 بۇگىن مەن سەندەرگە بەرىپ وتىرعان وسى بۇكىل زاڭعا ۇقسايتىن ٵدىل نۇسقاۋلار مەن شەشىمدەر باسقا قانداي ۇلى حالىقتا بار+؟
9 ٶز كوزدەرىڭمەن كورگەندەردى ەستەن شىعارماۋ ٷشىن جانە ولاردى ٶمىر بويى جۇرەكتە ساقتاۋ ٷشىن، وزدەرىڭە مۇقيات بولىپ، ساق جۇرىڭدەر. سونداي-اق ولار جايلى ۇلدارىڭ مەن نەمەرەلەرىڭە ايتىپ بەرىڭدەر+.
10 سەندەر حوريب تاۋىندا ەحوبانىڭ الدىندا تۇرعان كۇنى ەحوبا ماعان: —حالىقتى مەنىڭ الدىما جينا، ولار سوزدەرىمدى ەستىسىن+، سوندا جەر باسىپ جۇرگەن ۋاقىتتىڭ بارىندە مەنەن قورقۋدى ۇيرەنەتىن بولادى+ جانە بالالارىنا دا سونى ۇيرەتەتىن بولادى+،— دەدى.
11 سول كەزدە سەندەر تاۋدىڭ ەتەگىنە كەلىپ تۇردىڭدار. ال جانىپ جاتقان تاۋدىڭ جالىنى كوككە دەيىن جەتىپ، ونى قاراڭعىلىق پەن قويۋ قارا بۇلت باسىپ تۇردى+.
12 سوندا ەحوبا سول وتتىڭ ىشىنەن ٴتىل قاتتى+. سەندەر ونىڭ سوزدەرىن ەستىدىڭدەر، ٴبىراق ەشقانداي بەينە كورگەن جوقسىڭدار+، تەك داۋىستى عانا ەستىدىڭدەر+.
13 ول سەندەرگە ورىنداۋلارىڭ كەرەك كەلىسىمدى+، ون زاڭدى*+، جاريالادى. سوسىن ولاردى ەكى تاس تاقتاشاعا جازىپ بەردى+.
14 سول ۋاقىتتا ەحوبا ماعان سەندەرگە نۇسقاۋلارى مەن شەشىمدەرىن ۇيرەتۋدى تاپسىردى. ولاردى يەلىككە العالى جاتقان ەلدە ورىنداۋلارىڭ كەرەك.
15 اباي بولىڭدار! ەحوبا سەندەرمەن حوريبتە سويلەسكەندە، وتتىڭ ىشىنەن ەشقانداي بەينە كورگەن جوقسىڭدار.
16 سوندىقتان سوراقى ىستەن اۋلاق بولىپ، ەش نارسەنىڭ بەينەسىن جاساماڭدار: ەركەكتىڭ نە ايەلدىڭ+،
17 جەردە جورعالاعان حايۋاننىڭ، اسپاندا ۇشقان قۇستىڭ+،
18 جەر بەتىندە قىبىرلاعان جاندىكتىڭ نە سۋدا جۇزەتىن بالىقتىڭ+.
19 سونداي-اق اسپانعا قاراپ، كۇندى، ايدى، جۇلدىزداردى — كوكتىڭ كۇللى اسكەرىن — كورگەندە، ولارعا ەلىگىپ، تاعزىم ەتپەڭدەر، تابىنىپ جۇرمەڭدەر+. ەحوبا قۇدايلارىڭ ولاردى اسپان استىنداعى بارشا حالىقتىڭ يگىلىگى ٷشىن بەرگەن.
20 ەحوبا سەندەردى ٶزىنىڭ مەنشىكتى حالقى ەتۋ ٷشىن تەمىر بالقىتاتىن پەش ىسپەتتى مىسىردان الىپ شىقتى. مىنە، ەندى سەندەر ونىڭ مەنشىكتى حالقى+ بولىپ وتىرسىڭدار.
21 ەحوبا سەندەردىڭ كەسىرلەرىڭنەن ماعان اشۋلانىپ+، يورداننىڭ ارعى جاعىنا وتپەيتىنىمدى، ەحوبا قۇدايلارىڭ مۇراعا بەرەيىن دەپ وتىرعان شۇرايلى جەرگە كىرمەيتىنىمدى ايتىپ، انت ەتتى+.
22 مەن وسى جەردە كوز جۇمامىن. يورداننان وتپەيمىن+، ال سەندەر ٶتىپ، سول شۇرايلى جەردى يەمدەنەسىڭدەر.
23 ەحوبا قۇدايلارىڭنىڭ وزدەرىڭمەن جاساسقان كەلىسىمىن ۇمىتىپ كەتۋدەن ساق بولىڭدار+. ەحوبا قۇدايلارىڭ تيىم سالعان نارسەلەردىڭ بەينەسىن نە قاشالعان ٴمۇسىنىن جاساماڭدار+.
24 ويتكەنى ەحوبا قۇدايلارىڭ جالماپ قوياتىن وت ىسپەتتى+، ول — وزىنە قالتقىسىز بەرىلۋدى تالاپ ەتەتىن* قۇداي+.
25 سەندەر ٷبىرلى-ٴشۇبىرلى بولىپ، سول جەردە ۇزاق ۋاقىت تۇرعاننان كەيىن، قۇردىمعا كەتىرەتىن ٸس جاساپ، الدەنەنىڭ قاشالعان ٴمۇسىنىن ىستەمەڭدەر+، بۇلارىڭ ەحوبا قۇدايلارىڭنىڭ كوز الدىندا زۇلىمدىق ٵرى ونى قورلاۋ بولماق+.
26 بۇگىن كوك پەن جەردى* كۋالىككە شاقىرامىن: ەگەر وسىلاي ىستەسەڭدەر، يورداننىڭ ارعى جاعىنان يەمدەنگەلى تۇرعان جەردەن كوپ ۇزاماي-اق قۇريسىڭدار. ول جەردە ۇزاق جاساماي، قىرىلىپ جوق بولاسىڭدار+.
27 ەحوبا سەندەردى باسقا حالىقتاردىڭ اراسىنا بىتىراتىپ جىبەرەدى+. ەحوبا وزدەرىڭدى قۋىپ جىبەرگەن حالىقتاردىڭ اراسىندا ازعانتايىڭ عانا امان قالاسىڭدار+.
28 سول جەردە ادام قولىمەن اعاشتان جانە تاستان جاسالعان+، نە كورمەيتىن، نە ەستىمەيتىن، نە تاماق جەمەيتىن، نە ٴيىس سەزبەيتىن تاڭىرلەرگە قۇلشىلىق ەتەتىن بولاسىڭدار.
29 ەگەر سول جەردە ەحوبا قۇدايلارىڭدى ىزدەسەڭدەر، ونى بار جۇرەكتەرىڭمەن، بۇكىل جان-تاندەرىڭمەن+ ىزدەسەڭدەر، ونى مىندەتتى تۇردە تاباسىڭدار+.
30 كەيىن وسى سوزدەردىڭ ٴبارى ورىندالىپ، قاتتى قينالعاندارىڭدا، ەحوبا قۇدايلارىڭا بەت بۇرىپ، ونىڭ ايتقانىنا قۇلاق اساتىن بولاسىڭدار+.
31 ەحوبا قۇدايلارىڭ — مەيىرىمدى قۇداي+. ول سەندەردى تاستامايدى، جويىپ تا جىبەرمەيدى، سونداي-اق انت بەرىپ، اتا-بابالارىڭمەن جاساسقان كەلىسىمىن دە ۇمىتپايدى+.
32 ال ەندى، ەجەلگى زامانعا، قۇداي جەر بەتىندە ادام بالاسىن جاراتقان كۇننەن ٶز زاماندارىڭا دەيىنگى كۇندەرگە ٷڭىلىپ قاراڭدار. جەردىڭ و شەتىنەن بۇ شەتىنە دەيىن سۇراستىرىپ كورىڭدەر. بۇعان دەيىن مۇنداي ۇلى ىستەر جاسالىپ پا ەدى؟ بۇرىن-سوڭدى مۇنداي نارسە جايلى بىرەۋ ەستىپ پە ەدى+؟
33 سەندەر سياقتى وت ىشىنەن قۇدايدىڭ داۋسىن ەستىپ، ٴتىرى قالعان وزگە حالىق بار ما ەكەن+؟
34 ەحوبا قۇدايلارىڭ بۇرىن-سوڭدى وزگە ٴبىر حالىقتىڭ اراسىنان وزىنە حالىق شىعارىپ الىپ پا ەدى؟ بۇل ٷشىن كوز الدارىڭدا مىسىردا جاساعانداي، سوت جۇرگىزىپ، بەلگىلەر مەن كەرەمەتتەر كورسەتىپ+، سوعىسىپ+، قۋاتتى دا قۇدىرەتتى قولىن پاش ەتىپ+، ۇرەي تۋدىراتىن ىستەر+ جاساعان با؟
35 ەحوبانىڭ شىنايى قۇداي ەكەنىن+، ودان باسقا شىنايى قۇداي جوق+ ەكەنىن بىلۋلەرىڭ ٷشىن، بۇلاردىڭ ٴبارى سەندەرگە كورسەتىلدى.
36 سەندەردى تۇزەتۋ ٷشىن، ول كوكتەن ٷن قاتتى، جەردە ٶزىنىڭ عالامات وتىن كورسەتتى. وت ىشىنەن ونىڭ سوزدەرىن ەستىدىڭدەر+.
37 ول اتا-بابالارىڭدى جاقسى كورگەندىكتەن جانە ولاردىڭ ۇرپاقتارىن تاڭداپ العاندىقتان+، سەندەردى مىسىردان قۇدىرەتتى قولىمەن ٶزى الىپ شىقتى.
38 وزدەرىڭنەن الدەقايدا كوپ ٵرى كۇشتى حالىقتاردىڭ جەرىنە الىپ كىرىپ، يەلىكتەرىڭە بەرۋ ٷشىن (بۇل سولاي بولىپ تا جاتىر)، ولاردى الدارىڭنان قۋىپ وتىر+.
39 سوندىقتان ەحوبانىڭ اسپاندا دا، جەردە دە شىنايى قۇداي ەكەنىن+، ودان باسقا شىنايى قۇداي جوق+ ەكەنىن بۇگىن ۇعىپ، كوڭىلدەرىڭە ٴتۇيىپ الىڭدار.
40 وزدەرىڭە دە، كەلەر ۇرپاقتارىڭا دا جاقسى بولۋ ٷشىن جانە ەحوبا قۇدايلارىڭ بەرگەلى جاتقان جەردە ۇزاق عۇمىر كەشۋ ٷشىن+، مەن سەندەرگە بۇگىن بۇيىرىپ وتىرعان ونىڭ نۇسقاۋلارى مەن زاڭدارىن ورىنداپ جۇرىڭدەر».
41 سودان كەيىن مۇسا يورداننىڭ شىعىس جاعىنان ٷش قالانى ٴبولىپ قويدى+.
42 ەگەر بىرەۋ جەك كورگەننەن ەمەس، بايقاۋسىزدا كىسى ٶلتىرىپ قويسا+، سول قالالاردىڭ بىرىنە قاشىپ بارىپ، سوندا تۇرۋ كەرەك بولدى+.
43 وسىنداي قالا رەتىندە رۋبەن ۇرپاقتارىنا ۇستىرتتەگى شولدە ورنالاسقان بەسەر قالاسى+، عاد ۇرپاقتارىنا عالاقاتتاعى راموت قالاسى+، ال ماناسا ۇرپاقتارىنا باشانداعى+ عولان قالاسى+ بەلگىلەندى.
44 مۇسا يسرايل حالقىنا زاڭ بەردى+.
45 ول وسى ەسكەرتپەلەردى، نۇسقاۋلار مەن شەشىمدەردى مىسىردان شىققاننان كەيىن+،
46 يورداننىڭ ماڭىنداعى، بەت-پەعوردىڭ تۇسىنداعى اڭعاردا+ بەردى. بۇل حەشبوندا تۇرعان امورلىق سيحون پاتشانىڭ جەرى ەدى+. ونى مۇسا مەن يسرايلدىكتەر مىسىردان شىققاننان كەيىن جەڭگەن بولاتىن+.
47 ولار ونىڭ جانە باشان پاتشاسى وگتىڭ جەرىن باسىپ الدى+، وسىلاي يوردان وزەنىنىڭ شىعىسىنداعى امورلىق ەكى پاتشانىڭ جەرىن يەمدەندى.
48 بۇل جەر ارنون اڭعارىنىڭ جيەگىندەگى اروگەردەن باستاپ+، سيون، ياعني حەرمون، تاۋىنا دەيىن+،
49 يورداننىڭ شىعىسىنداعى بۇكىل ارابا ولكەسىن، فيزگانىڭ ەتەگىندەگى اراباداعى تەڭىزگە* دەيىنگى اۋماقتى الىپ جاتتى+.
سىلتەمەلەر
^ سوزبە-ٴسوز «ون ٴسوز». بۇل «ون وسيەت» دەپ تە بەلگىلى.
^ نەمەسە «وزىنەن باسقا تاڭىرلەرىڭنىڭ بولعانىنا توزبەيتىن».
^ نەمەسە «كوك پەن جەردەگى تۇلعالاردى».
^ ياعني تۇزدى نە ٶلى تەڭىز.
