قورىنتتىقتارعا 1-حات 16:1—24
16 قاسيەتتىلەرگە ارناپ اقشا جيناۋعا+ قاتىستى ايتار بولسام، سەندەر دە عالاتياداعى قاۋىمدارعا بەرگەن نۇسقاۋلارىما ساي ارەكەت ەتىڭدەر.
2 مەن بارعاندا جيناپ جاتپاۋلارىڭ ٷشىن، ٵر اپتانىڭ ٴبىرىنشى كۇنى قولدا بار قاراجاتتارىڭنىڭ ٴبىرازىن بولەك الىپ قويىڭدار.
3 ال سەندەرگە بارعانىمدا، جيناعان سيلارىڭدى حاتتارىڭدا وزدەرىڭ ۇسىنعان كىسىلەر+ ارقىلى يەرۋساليمگە جونەلتەمىن.
4 ول جاققا مەنىڭ دە بارعانىم ٴجون بولسا، وندا بىرگە بارارمىز.
5 سەندەرگە ماكەدونيادان سوڭ كەلەمىن، ويتكەنى سول ولكە ارقىلى جۇرمەكپىن+.
6 ال سەندەردە ٴبىراز ۋاقىت بولۋىم، ٴتىپتى قىستاپ تا قالۋىم مۇمكىن. سوسىن باراتىن جاعىما شىعارىپ سالارسىڭدار.
7 سەندەرمەن جولاي كورىسكىم كەلمەيدى، سەبەبى ەحوبا جول بەرسە، قاستارىڭدا ٴبىراز ۋاقىت بولسام دەپ ۇمىتتەنەمىن+.
8 ەفەستە+ ەلۋىنشى كۇن مەيرامىنا دەيىن بولامىن.
9 ويتكەنى مەن ٷشىن قىزمەت ەتۋدىڭ كەرەمەت مۇمكىندىگى تۋدى*+، ٴبىراق قارسىلاستار دا از ەمەس.
10 سەندەرگە تىموتە+ بارسا، ارالارىڭدا الاڭداماي جۇرەتىن بولسىن، سەبەبى ول دا مەن سياقتى ەحوبانىڭ ٸسىن اتقارۋدا+.
11 سوندىقتان ونى ەشكىم مەنسىنبەي جۇرمەسىن. ماعان قايتىپ كەلۋى ٷشىن، ونى امان-ەسەن جولعا شىعارىپ سالىڭدار، مەن ونى باۋىرلاستارمەن بىرگە كۇتىپ وتىرمىن.
12 باۋىرلاسىمىز اپوللوستان+ باۋىرلاستارمەن بىرگە سەندەرگە بارۋىن قاتتى ٶتىندىم، ٴبىراق ول قازىر بارعىسى كەلمەدى. الايدا مۇمكىندىگى بولعاندا بارادى.
13 سەرگەك بولىڭدار+، سەنىمدە نىق تۇرىڭدار+، ەرجۇرەك+ ٵرى بەرىك بولىڭدار+.
14 ٴبارىن سۇيىسپەنشىلىكپەن ىستەڭدەر+.
15 ستەپاننىڭ ٷي ٸشى احاياداعى العاشقى شاكىرتتەر ەكەنىن ٵرى وزدەرىن قاسيەتتىلەرگە قىزمەت ەتۋگە ارناعانىن بىلەسىڭدەر. سوندىقتان، باۋىرلاستار، وتىنەمىن،
16 سەندەر دە وسىنداي ادامدارعا جانە ايانباي ەڭبەك ەتىپ، بىزبەن قىزمەتتەسىپ جۇرگەندەردىڭ بارىنە باعىنىڭدار+.
17 ستەپان+، فورتۋنات پەن احايىقتىڭ وسىندا كەلگەنىنە قۋانامىن، ويتكەنى ولار سەندەردىڭ ورىندارىڭدى جوقتاتپادى.
18 ولار مەنىڭ دە، سەندەردىڭ دە كوڭىلدەرىڭدى سەرگىتتى. سوندىقتان مۇنداي ادامداردى باعالاڭدار.
19 ازياداعى* قاۋىمدار وزدەرىڭە سالەم جولداۋدا. اقيلا مەن پريسكا*، سولاردىڭ ۇيىندە جينالاتىن قاۋىم+ دا ىستىق ماسىحشىلىك سالەمىن جولداۋدا.
20 بارلىق باۋىرلاستار سالەم ايتۋدا. ٴبىر-ٴبىرىڭدى باۋىرلاستىق سۇيىسپەنشىلىكپەن ٴسۇيىپ امانداسىڭدار.
21 مەن، پاۋىل، بۇل سالەمىمدى ٶز قولىممەن جازىپ وتىرمىن.
22 يەمىزدى سۇيمەيتىن اركىمدى قارعىس اتسىن! ۋا، يەمىز، كەلە كور!
23 يەمىز يسا سەندەرگە راقىمىن جاۋدىرسىن!
24 مەنىڭ سۇيىسپەنشىلىگىم ٴماسىح يسامەن بايلانىستاعى بارىڭمەن بىرگە بولسىن!
سىلتەمەلەر
^ سوزبە-ٴسوز «قىزمەت ەتۋگە ۇلكەن ەسىك اشىلدى».
^ «ازيا» دەپ ريم يمپەرياسىنىڭ پروۆينسياسى جونىندە ايتىلىپ تۇر.
^ نەمەسە «پريسكيلا».
