حۋلدانىڭ ٶز ماقساتىنا جەتۋى
يندونەزيانىڭ كىشكەنتاي سانگير ارالىندا ٴبىزدىڭ ٷش ايەل باۋىرلاسىمىز تۇرادى. بىرنەشە جىل بۇرىن تەڭىزدىڭ جاعاسىندا ولار بىرلەسىپ جۇمىس ىستەدى. قانداي؟
يندونەزيانىڭ سولتۇستىگىندەگى سانگير ارالى
الدىمەن، ولار سۋدان اۋىر-اۋىر تاستاردى تاۋىپ، جاعاعا شىعاراتىن. ول تاستاردىڭ ۇلكەندىگى ٵرتۇرلى، كەيبىرى ٴتىپتى دوپتىڭ كولەمىندەي. كەيىن باۋىرلاستار اعاش ورىندىقتارعا وتىرىپ الىپ، سول تاستاردى بالعامەن ۇساقتاپ شاعاتىن. ونى شەلەككە سالاتىن دا، باسپالداقپەن كوتەرىلىپ، جاعاجايدان ۇيلەرىنە دەيىن تاسيتىن. سوسىن ونى ۇلكەن قاپتارعا سالىپ قوياتىن. سوڭىندا بۇل تاستاردى جۇك كولىگى الىپ كەتىپ، جول توسەۋگە قولداناتىن.
جاعادا تاس جيناپ جۇرگەن حۋلدا باۋىرلاس
وسى ٷش باۋىرلاستىڭ بىرەۋىنىڭ ەسىمى — حۋلدا. حۋلدانىڭ قاسىنداعىلارعا قاراعاندا كوبىرەك جۇمىس ىستەۋگە مۇمكىندىگى بولدى. ادەتتە ول تاپقان بار اقشاسىن وتباسىنىڭ قاجەتىنە جۇمسايتىن. ٴبىراق بۇل جولى ول ٴسال كوبىرەك اقشا جيناپ، پلانشەت ساتىپ العىسى كەلدى. پلانشەت وعان ®JW Library قوسىمشاسىن جۇكتەپ الۋ ٷشىن كەرەك ەدى. ويتكەنى ول ونداعى ۆيدەولار مەن باسقا دا ادەبيەتتەردىڭ كومەگىمەن ودان دا ساپالى ۋاعىزداي الاتىن ٵرى كيەلى كىتاپتى دا تەرەڭ تۇسىنە الاتىن.
ول ٴبىر جارىم اي بويى كۇندە تاڭەرتەڭ قوسىمشا ەكى ساعات جۇمىس ىستەپ، كىشىگىرىم جۇك كولىگى تولاتىنداي تاس جينادى. ٴسۇيتىپ، جەتەرلىكتەي اقشا جيناپ، پلانشەت ساتىپ الدى.
ٴپلانشەتىن ۇستاپ تۇرعان حۋلدا
«تاس شاعا بەرگەننەن ابدەن شارشاپ، اياق-قولىم تالسا دا، بۇنى تەز-اق ۇمىتىپ كەتتىم. ويتكەنى ٴپلانشەتتىڭ ارقاسىندا قىزمەتىمدى ودان دا تيىمدىرەك اتقارىپ، قاۋىم كەزدەسۋلەرىنە وڭاي دايىندالاتىن بولدىم»،— دەيدى ول. اسىرەسە پاندەميا باستالىپ، قاۋىمنىڭ ٸس-شارالارى ونلاين وتە باستاعاندا، پلانشەت وعان تاپتىرماس كومەك بولدى. ٴبىز دە حۋلدا باۋىرلاستىڭ ماقساتىنا جەتكەنىنە قۋانىشتىمىز!
