1970-‏جىلى ارحەولوگتار يزرايلدىڭ ەن-‏گەدي دەگەن جەرىنەن،‏ ٶلى تەڭىزدىڭ باتىس جاعالاۋىنان ٴ‌بىر شيىرشىق تاپتى.‏ شامامەن بەسىنشى عاسىردا بۇل جەرگە جاۋ شاپقاندا،‏ ونداعى ٴ‌ماجىلىسحانا ورتەنىپ كەتكەن ەدى.‏ شيىرشىق سول ٴ‌ماجىلىسحانانىڭ قازبا جۇمىستارى بارىسىندا تابىلدى.‏ شيىرشىق كۇيىپ كەتكەندىكتەن،‏ ونى وقىماق تۇگىلى اشۋ مۇمكىن ەمەس ەدى.‏ D-‏3 سكانەرلەۋ تەحنولوگياسىنىڭ ارقاسىندا وراتىلعان شيىرشىقتى «اشۋ» مۇمكىن بولدى.‏ زاماناۋي كومپيۋتەرلىك باعدارلامانىڭ كومەگىمەن شيىرشىقتىڭ ٴ‌ماتىنى دە كورىندى.‏

سكانەر نەنى كورسەتتى؟‏ الگى شيىرشىق كيەلى كىتاپتىڭ ٴ‌بىر بولىگى ەكەن.‏ وندا مۇسانىڭ 3-‏جازباسىنىڭ العاشقى تارماقتارى جازىلىپتى.‏ تارماقتاردا ەۆرەيشە تەتراگرامماتونمەن جازىلعان قۇداي ەسىمى كەزدەسەدى.‏ شيىرشىق ب.‏ز.‏ 50-‏جىلى مەن ب.‏ز.‏ 400-‏جىلى ارالىعىندا جازىلسا كەرەك.‏ ولاي بولسا،‏ بۇل شيىرشىق كۋمران قولجازبالارىنان كەيىنگى ەڭ كونە قولجازبا بولىپ تابىلادى.‏ كوپكە تانىمال ٴ‌بىر گازەتكە ساي،‏ شامامەن ب.‏ز.‏ب.‏ 100-‏جىلعى ٶلى تەڭىز شيىرشىقتارىنىڭ (‏كۋمران)‏ جانە شامامەن ب.‏ز.‏ 930-‏جىلعى الەپپو كودەكسىنىڭ اراسىندا مىڭ جىلدىق ٷزىلىس بولعان.‏ ال ەن-‏گەديدەن تابىلعان مۇسانىڭ 3-‏جازباسىن قامتيتىن شيىرشىقتى وقي العان سوڭ،‏ بۇل ٷزىلىس قىسقاردى (‏«‏The Jerusalem Post‏»)‏.‏ مامانداردىڭ ايتۋىنشا،‏ ەن-‏گەدي شيىرشىعىنىڭ «اشىلۋى» ٴ‌بىر جايتتى ايقىن ەتتى:‏ تاۋراتتىڭ ٴ‌ماتىنى «مىڭ جىلدان اسا ۋاقىت بويى وزگەرىسسىز ساقتالعان،‏ وعان كوشىرمەشىلەردىڭ قاتەلەرى ەنبەگەن».‏