Eshi Jesus a li kombada yedu, okwa ulikila ovanhu ohole inene nokuli fiyo oposhitwa opo a yamba po omwenyo waye omolwavo. (Mateus 20:28; Johannes 15:13) Mafiku, ota ka ulikila natango ovanhu ohole eshi ta ka longifa eenghonopangelo daye e li Ohamba yOuhamba waKalunga ‘a xulife po oita kombada yedu alishe.’ — Epsalme 46:9.

 Didilika nghee Ombiibeli ya popya shi na sha naasho Jesus ta ka ninga:

•   “Otai ka xupifa epongo eli tali kuu onghuwo li kwafwe, nomukwanaluhepo ou ehe na omukwafi. Otai ningile omuxupi nohepele olukeno, notai xupifa eemwenyo deehepele; ndele tai di kulile momafininiko nomomalwifo.” — Epsalme 72:12-14.

 Ongahelipi hatu dulu okuulika olupandu omolwaashishe osho Jesus e tu ningila nosho yo osho te ke tu ningila mafiku? MuLukas 22:19, Jesus okwa lombwela ovashikuli vaye va kale hava dimbuluka efyo laye. Nomolwaasho omudo keshe pedimbuluko lefyo laye, Eendombwedi daJehova ohadi ongala pamwe. Ohatu ku shivi u tu waimine eshi hatu ka dana Edimbuluko lefyo laJesus mOsoondaxa, 24 Marsa 2024.

Tala ouyelele u na sha nEdimbuluko