Oraporta yOkomitiye yOvaunganeki yomo 2019 i na oshipalanyole Okuyambidida ovamwatate ngeenge pa holoka oiponga yopaushitwe oya yelifa nghee ehangano letu hali kwafele ovamwatate mounyuni aushe va ungaunge noiponga oyo hai holoka po ombadilila. Oya li ya kwatela mo ouyelele u na sha nanghee ovamwatate ve linyenga eshi muIndonesia mwa dengwa kekakamo ledu nokoshikungulu nosho yo eshi muNigeria mwa li mwa monika omukifi wekomba wo-yellow fever. Pefimbo eli lomukifi wekomba wo-coronavirus (wa shiivika nawa COVID-19), Olutuwiliki otali twikile okuyandja omalombwelo kovamwatate novamwameme mounyuni aushe ovo ve li moitukulwa oyo ya kumwa komukifi oo.